بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن قازاقستان اۋماعىندا COVID-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ وتىرىسى ٶتتٸ, دەپ حابارلايدى "ۇلت اقپارات" primeminister.kz-كە سٸلتەمە جاساپ.
دەنساۋلىق ساقتاۋ مينيسترٸ ا. تسوي كوروناۆيرۋس ينفەكتسيياسى بويىنشا سىرقاتتانۋشىلىق كٶرسەتكٸشٸنٸڭ ٶسۋٸنە بايلانىستى بارلىق ٶڭٸرلەر كٷشەيتٸلگەن شەكتەۋ شارالارىن قابىلداعانىن اتاپ ٶتتٸ.
بۇل رەتتە سوڭعى 2 اپتادا ماڭعىستاۋ وبلىسىندا COVID-19 ينفەكتسيياسىن جۇقتىرۋ جاعدايلارىنىڭ 2,7 ەسەگە, اقتٶبە وبلىسىندا 2,1 ەسەگە ارتقانى بايقالادى.
ۆيتسە-پرەمەر اتالعان ٶڭٸرلەردە كۆي-مەن اۋىرۋدىڭ ارتۋى حالىقتى ۆاكتسينالاۋدىڭ تٶمەن قارقىنىمەن تٸكەلەي بايلانىستى ەكەنٸن اتاپ ٶتتٸ. مەسەلەن, ماڭعىستاۋ وبلىسىندا تيٸستٸ كونتينگەنتتەن حالىقتىڭ نەبەرٸ 19,7%, اقتٶبە وبلىسىندا – 31,4%, باتىس قازاقستان وبلىسىندا 31,6% ەكپە سالدىرعان.
ۆاك تٶراعاسى حالىقتى ۆاكتسينالاۋدىڭ پايداسى مەن تيٸمدٸلٸگٸ تۋرالى اقپاراتتىق-تٷسٸندٸرۋ جۇمىستارىن كٷشەيتۋدٸ تاپسىردى.
سونداي-اق, ەسٸرەسە, الماتى, ماڭعىستاۋ جەنە اقتٶبە وبلىستارىندا كارانتين رەجيمٸن ساقتاۋدى باقىلاۋ جٶنٸندەگٸ مونيتورينگ توپتارىنىڭ بەلسەندٸ جۇمىسى جەتكٸلٸكسٸز ەكەنٸ ايتىلدى.
وتىرىس سوڭىندا پرەمەر-مينيستردٸڭ ورىنباسارى حالىقتى كوروناۆيرۋس ينفەكتسيياسىنا قارسى ۆاكتسينالاۋمەن قامتۋدى ۇلعايتۋ قاجەتتٸگٸن تاپسىردى.
