Búgin QR Premer-Ministriniń orynbasary Eraly Toǵjanovtyń tóraǵalyǵymen Qazaqstan aýmaǵynda COVID-19 taralýyna jol bermeý jónindegi vedomstvoaralyq komissiianyń otyrysy ótti, dep habarlaidy "Ult aqparat" primeminister.kz-ke silteme jasap.
Densaýlyq saqtaý ministri A. Tsoi koronavirýs infektsiiasy boiynsha syrqattanýshylyq kórsetkishiniń ósýine bailanysty barlyq óńirler kúsheitilgen shekteý sharalaryn qabyldaǵanyn atap ótti.
Bul rette sońǵy 2 aptada Mańǵystaý oblysynda COVID-19 infektsiiasyn juqtyrý jaǵdailarynyń 2,7 esege, Aqtóbe oblysynda 2,1 esege artqany baiqalady.
Vitse-premer atalǵan óńirlerde KVI-men aýyrýdyń artýy halyqty vaktsinalaýdyń tómen qarqynymen tikelei bailanysty ekenin atap ótti. Máselen, Mańǵystaý oblysynda tiisti kontingentten halyqtyń nebári 19,7%, Aqtóbe oblysynda – 31,4%, Batys Qazaqstan oblysynda 31,6% ekpe saldyrǵan.
VAK tóraǵasy halyqty vaktsinalaýdyń paidasy men tiimdiligi týraly aqparattyq-túsindirý jumystaryn kúsheitýdi tapsyrdy.
Sondai-aq, ásirese, Almaty, Mańǵystaý jáne Aqtóbe oblystarynda karantin rejimin saqtaýdy baqylaý jónindegi monitoring toptarynyń belsendi jumysy jetkiliksiz ekeni aityldy.
Otyrys sońynda Premer-Ministrdiń orynbasary halyqty koronavirýs infektsiiasyna qarsy vaktsinalaýmen qamtýdy ulǵaitý qajettigin tapsyrdy.
