كۆي-عا قارسى ۆاكتسينامەن ەكپە العان ادامدار قان جەنە ونىڭ كومپونەنتتەرٸنٸڭ دونورلىعىنان 2 اپتاعا شەتتەتٸلەدٸ. بۇل جايىندا قر باس مەملەكەتتٸك سانيتار دەرٸگەرٸ ەرلان قيياسوۆتىڭ جاڭا قاۋلىسىندا ايتىلعان, دەپ حابارلايدى "ۇلت اقپارات".
قۇجاتتا يممۋنوسۋپرەسسيۆتٸ ەم قابىلدايتىن پاتسيەنتتەردە جەنە يممۋن تاپشىلىعى بار پاتسيەنتتەردە جەتكٸلٸكتٸ يممۋندىق جاۋاپ دامىماۋى مٷمكٸندٸگٸ ەسكەرتٸلەدٸ. سوندىقتان يممۋندىق جٷيەنٸڭ جۇمىسىن تەجەيتٸن پرەپاراتتاردى قابىلداۋ يممۋنوگەندٸلٸكتٸڭ تٶمەندەۋ قاۋپٸنە بايلانىستى ۆاكتسيناتسييادان بۇرىن جەنە ودان كەيٸن كەم دەگەندە 1 اي قارسى كٶرسەتٸلٸم بولادى. جٸتٸ ينفەكتسييالىق جەنە ينفەكتسييالىق ەمەس اۋرۋلار ەكپەلەردٸ جٷرگٸزۋ ٷشٸن ۋاقىتشا قارسى كٶرسەتٸلٸمدەر بولىپ سانالادى. ۆاكتسيناتسييا ساۋىققاننان نەمەسە رەميسسييادان كەيٸن 2-4 اپتادان كەيٸن جٷرگٸزٸلەدٸ. جٸتٸ ٸشەك اۋرۋلارىندا ۆاكتسيناتسييا دەنساۋلىق جاعدايى قالىپقا كەلگەننەن كەيٸن جاسالادى.
«كۆي-عا قارسى بەلسەندٸلٸگٸ جويىلعان ۆاكتسينالارمەن (Hayat-Vax, QazVac, كوروناۆاك جەنە باسقالارى) جەنە ۆەكتورلىق ۆاكتسينامەن (سپۋتنيك V) ەكپە العان ادامدار قان مەن ونىڭ كومپونەنتتەرٸنٸڭ دونورلىعىنان 2 اپتاعا شەتتەتٸلەدٸ. تٸرٸ ۆاكتسينالاردى پايدالانعان كەزدە ەگٸلگەن ادامدار قان مەن ونىڭ كومپونەنتتەرٸنٸڭ دونورلىعىنان 4 اپتا مەرزٸمگە شەتتەتٸلەدٸ. كۆي-دٸڭ جٸتٸ جەنە سيپمتوم جوق تٷرٸ بار ادامدار كۆي-عا قارسى ۆاكتسيناتسييالاۋعا جاتپايدى. كۆي-دى قوسا العاندا, ينفەكتسييالىق اۋرۋمەن اۋىراتىن ناۋقاسپەن بايلانىستا بولعان ادامدار كارانتين مەرزٸمٸ اياقتالعاننان كەيٸن ەگٸلەدٸ. بۇل رەتتە, كۆي-مەن اۋىراتىن ناۋقاسپەن ٶزٸنٸڭ كەسٸبي قىزمەتٸنٸڭ تٷرٸ بويىنشا جەكە قورعانىش قۇرالدارىندا بايلانىستا بولاتىن مەديتسينا قىزمەتكەرلەرٸ جاتپايدى», - دەلٸنگەن قاۋلىدا.
سونداي-اق قۇجاتتا ۆاكتسيناتسييالاۋ الدىندا كۆي-عا قارسى انتيدەنەلەردٸڭ بولۋىنا سكرينينگ (يفت جەنە پتر-زەرتتەۋ) جٷرگٸزٸلمەيتٸندٸگٸ اتاپ كٶرسەتٸلەدٸ. كۆي-دٸڭ كەز كەلگەن تٷرٸمەن اۋىرىپ جازىلعان ادامداردى ساۋىققاننان كەيٸن جەنە ۆاكتسيناتسييالاۋ الدىنداعى جاي-كٷيٸن باعالاۋدى ەسكەرە وتىرىپ, 6 ايدان سوڭ ۆاكتسيناتسييالاۋدىڭ تولىق كۋرسىمەن ەگۋ ۇسىنىلادى. بۇل رەتتە كۆي-مەن اۋىرعاندارعا ساۋىققاننان كەيٸن 3 ايدان سوڭ ۆاكتسيناتسييا جٷرگٸزۋگە جول بەرٸلەدٸ.
حالىقتى ۆاكتسيناتسييالاۋ اۋماقتىق مەديتسينالىق ۇيىمداردىڭ ەگۋ پۋنكتتەرٸندە, ارنايى كونتينگەنتتٸ ۆاكتسيناتسييالاۋ - تيٸستٸ ۆەدومستۆونىڭ قىزمەت ورنى بويىنشا جٷرگٸزٸلەدٸ. حالىق ٷشٸن ۆاكتسيناتسييالاۋدىڭ قولجەتٸمدٸلٸگٸن ارتتىرۋ جەنە ەگۋ پروتسەسٸن جەڭٸلدەتۋ ماقساتىندا جىلجىمالى ەگۋ پۋنكتتەرٸن نەمەسە كٶشپەلٸ ەگۋ بريگادالارىن ۇيىمداستىرۋعا جول بەرٸلەدٸ. مٷگەدەكتەر قاتارىنداعى مٷمكٸندٸگٸ شەكتەۋلٸ ادامداردى ۆاكتسيناتسييالاۋ ٷشٸن كۆي-عا قارسى ۆاكتسيناتسييالاۋدى ٷيگە بارىپ جٷرگٸزۋ ۇيىمداستىرىلادى. يممۋنداۋعا جاتاتىن ادامداردىڭ سانىنا سەيكەس ەگۋ بريگادالارىنىڭ, مەديتسينا قىزمەتكەرلەرٸنٸڭ, ونىڭ ٸشٸندە يممۋنولوگتاردىڭ, جالپى پراكتيكا دەرٸگەرلەرٸنٸڭ, تەراپەۆتەردٸڭ, ورتا مەديتسينا پەرسونالىنىڭ, مەديتسينالىق بٸلٸمٸ بار تٸركەۋشٸلەردٸڭ قاجەتتٸ سانى, ۆاكتسينانىڭ, باسقا دا شىعىس ماتەريالدارىنىڭ, توڭازىتۋ جابدىعىنىڭ, اۆتوكٶلٸكتٸڭ سانى ەسەپتەلەدٸ.
«ەگۋ بريگاداسى ەربٸر ەگۋ پۋنكتٸندە 1 بريگاداعا 300 ەكپەدەن اسپايتىن كٷندەلٸكتٸ جٷكتەمەنٸ ەسكەرە وتىرىپ قالىپتاستىرىلادى. بۇل رەتتە, 1 ەگۋ بريگاداسىنىڭ قۇرامىنا: 1 دەرٸگەر, 1 ەگۋ مەيٸرگەرٸ جەنە قاجەت بولعان جاعدايدا 1 تٸركەۋشٸ كٸرەدٸ. اۋىلدىق جەرلەردە قۇرامىندا: 1 فەلدشەر (دەرٸگەر بولماعان جاعدايدا), 1 ەگۋ مەيٸرگەرٸ, قاجەت بولعان جاعدايدا 1 تٸركەۋشٸدەن ەگۋ بريگاداسىن ۇيىمداستىرۋعا جول بەرٸلەدٸ», - دەلٸنگەن قۇجاتتا.
