شىمكەنتتٸك 20 جاستاعى جٸگٸت رەسەيگە جۇمىس ٸستەۋگە بارىپ, سوعىسقا اتتاندىرىلۋى مٷمكٸن ەكەنٸن ايتىپ, اناسىنان كٶمەك سۇراعان, دەپ حابارلايدى ult.kz.
كتك ارناسىنىڭ مەلٸمەتٸنشە, اينابەك كەلدٸبەك رەسەيگە 27 تامىزدا بارعان. ونىڭ ايتۋىنشا, وعان جوعارى جالاقىسى بار كٷزەتشٸلٸك جۇمىس ۇسىنىلعان. جاتاتىن جەرٸ مەن تاماعى دا تەگٸن بولاتىنى ايتىلعان.
اينابەك ورىس تٸلٸن تولىق تٷسٸنبەگەن. رەسەيگە بارعان سوڭ وعان مەكتەپ پەن بالاباقشادا كٷزەتشٸ بولىپ جۇمىس ٸستەۋ ٷشٸن قۇجاتتارعا قول قويۋ كەرەكتٸگٸ ايتىلعان. الايدا كەيٸن ونىڭ سوعىسقا جٸبەرٸلەتٸنٸ بەلگٸلٸ بولعان.
جٸگٸتتٸڭ ايتۋىنشا, وعان قۇجاتتارعا قول قويماسا, 15 جىلعا سوتتالاتىنى ايتىلىپ, قىسىم كٶرسەتٸلگەن.
«بٸز الدانىپ, قول قويدىق. سودان كەيٸن: "سەندەر ەندٸ سوعىسقا كەتەسٸڭدەر. نە سوعىسقا باراسىڭدار, بولماسا 15 جىلعا سوتتالاسىڭدار" دەدٸ. قورىققانىمىزدان امال جوق كەلٸپ قالدىق. ەندٸ قايتاتىن جول ٸزدەپ جاتىرمىز», – دەدٸ اينابەك كەلدٸبەك.
جٸگٸت قازٸر پوليگوندا ەكەنٸن ايتىپ, جاقىن كٷندەرٸ قارۋلى قاقتىعىس ايماعىنا جٸبەرٸلۋٸ مٷمكٸن ەكەنٸن جەتكٸزگەن. ونىڭ قاسىندا تاعى 10-عا جۋىق قازاقستاندىق بار كٶرٸنەدٸ.
اينابەكتٸڭ اناسى پەريزات ەلەۋسٸزوۆانىڭ ايتۋىنشا, ۇلى كٷن سايىن حابارلاسىپ, ەلگە قايتۋعا كٶمەكتەسۋدٸ سۇرايدى.
«"قۇتقارىڭىزشى, اناشىم" دەپ جىلايدى. بالام قازٸر پوليگوندا وتىر ەكەن», – دەدٸ ول.
اينابەكتٸڭ تۋىستارى وسىعان بايلانىستى قۇزىرلى ورگاندارعا جٷگٸنگەن. قر سىرتقى ٸستەر مينيسترلٸگٸ رەسەي فەدەراتسيياسىنىڭ سىرتقى ٸستەر مينيسترلٸگٸنە ديپلوماتييالىق نوتا جولدانعانىن مەلٸمدەدٸ.
«رەسەي تاراپىمەن تيٸستٸ جۇمىس جالعاسۋدا. جۇمىسىمىزدىڭ نەتيجەسٸ بويىنشا قوسىمشا حابارلايمىز», – دەدٸ مينيسترلٸك.
زاڭگەرلەر مۇنداي جاعدايدىڭ العاشقى رەت بولىپ وتىرماعانىن ايتادى. ولار شەتەلگە جۇمىسقا بارار الدىندا ۇسىنىستىڭ زاڭدىلىعىن تەكسەرٸپ, ەڭ الدىمەن ەڭبەك كەلٸسٸمشارتىنىڭ تالاپتارىنا نازار اۋدارۋعا شاقىرادى.
زاڭگەر مەيٸرمان شەكەەۆتٸڭ ايتۋىنشا, شەتەلگە جۇمىسقا كەتكەن ازاماتتاردىڭ تۋىستارى وسىنداي جاعدايلارعا بايلانىستى جيٸ حابارلاسادى.
بەيرەسمي مەلٸمەت بويىنشا, رەسەيدە جۇمىس ٸستەۋگە بارعان 2,4 مىڭنان استام قازاقستاندىقتىڭ سوعىسقا تارتىلعانى تۋرالى اقپارات بار. بۇل دەرەك رەسمي تٷردە راستالماعان.
ماماندار ازاماتتاردى شەتەلدە جوعارى جالاقى مەن جەڭٸل جۇمىس ۇسىناتىن دەلدالداردىڭ سٶزٸنە بٸردەن سەنبەي, ەڭبەك شارتىن مۇقييات تەكسەرۋگە شاقىرادى.
