«سامۇرىق قازىنا» اقپارات الاڭىندا ٶتكەن بريفينگٸدە «قازاقستان تەمٸر جولى» ۇك» اق باسقارما تٶراعاسىنىڭ ورىنباسارى ورالحان قۇلاقوۆقا كٷزدە كٶمٸرگە قاتىستى قاربالاس بولماۋى ٷشٸن قانداي شارا قابىلدانىپ جاتقانى جٶنٸندە ساۋال قويىلدى, دەپ حابارلايدى قازاقپارات.
«بۇل جەردە مەسەلە ماۋسىمدىق تاسىمال تۋرالى ايتىلىپ وتىرسا كەرەك. ەدەتتە تامىزدىڭ اياعىنان باستاپ كٶمٸر مەن استىق تاسىمالى 30-35, تٸپتٸ كەيدە 40 پايىزعا دەيٸن ارتادى. بۇل كەزەڭگە بٸز دە بارىنشا دايىندالامىز. ٶز باياندامامدا ايتقانىمداي, قولدا بار جىلجىمالى قۇرام ەل ٸشٸندەگٸ تاسىمالدى ۋاقتىلى قامتاماسىز ەتۋگە جەتكٸلٸكتٸ. بٸراق تاسىمال جىل بويىندا ناقتى بەلگٸلەنگەن ىرعاقپەن ۇيىمداستىرىلۋى كەرەك. ٷش ايلىق كٶلەمدٸ بٸر ايدا جٶنەلتسە, ەرينە, كەپتەلٸس بولادى. ال جوسپارلاپ, سول بويىنشا تاسىمالدانسا, ۆاگوندار جەتكٸلٸكتٸ. تاسىمالدىڭ ناقتى ىرعاقپەن ۇيىمداستىرىلۋى تيەۋشٸلەرگە عانا ەمەس قابىلداپ الۋشىلارعا دا قاجەت», - دەدٸ قتج ٶكٸلٸ.
ونىڭ ايتۋىنشا, بٷگٸندە تەمٸرجول ارقىلى جٷك تاسىمالداۋ نارىعىندا بارىنشا اشىق جٷيە قالىپتاسقان. «قتج» مونوپوليياسى بارىنشا ازايتىلعان.
«مەن بۇل جەردە تاسىمالداۋشى قۇرامدى قتج-نىكٸ نەمەسە جەكە تاسىمالداۋشىلار دەپ بٶلٸپ وتىرعان جوقپىن. قولدا بار ۆاگوندار پاركٸ دەپ بەرٸن قوسىپ ايتىپ وتىرمىن. بٸزدٸڭ «قازتەمٸرترانستىڭ» يەلەگٸندەگٸ جارتىلاي اشىق ۆاگوناردىڭ ٷلەسٸ بٷكٸل پاركتٸڭ 40 پايىزىنا دا جەتپەيدٸ. ال جابىق ۆاگونداردىڭ جالپى قۇرامداعى ٷلەسٸ 40 پايىزدان سەل اسادى. ياعني, نارىقتا بارىنشا اشىق جٷيە قالىپتاسقان», - دەدٸ ول.
