بيىلعى جىلدىڭ كٷز بەن قىس مەزگٸلدەرٸندە ەلٸمٸز بويىنشا 16 ادام قايتىس بولدى, ونىڭ ٸشٸندە 5 بالا بار, دەپ حابارلايدى "ۇلت اقپارات" قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, مينيسترلٸكتٸڭ اۋماقتىق بٶلٸمشەلەرٸ سۋ ايدىنداردا ادامداردىڭ (بالىقشىلاردىڭ) قازا بولۋىنىڭ الدىن الۋ بويىنشا رەيد جەنە پروفيلاكتيكالىق ٸس-شارالار ٶتكٸزەدٸ. رەيد بارىسىندا بالىق اۋلاۋ كەزٸندەگٸ قاۋٸپسٸزدٸك شارالارىن ساقتاۋ تۋرالى اقپاراتتىق جادىنامالار تاراتىلادى.
مەسەلەن, 2020 جىلعى 9 جەلتوقساندا تج مينيسترلٸگٸنٸڭ جەنە نۇر-سۇلتان قالاسى تج دەپارتامەنتٸنٸڭ قىزمەتكەرلەرٸ, ۆولونتەرلەر ەۋەسقوي بالىقشىلار اراسىندا نۇر-سۇلتان قالاسىنىڭ سۋ ايدىندارىنداعى كەزەكتٸ پروفيلاكتيكالىق, رەيدتٸك ٸس-شارا ٶتكٸزدٸ. ٸس-شارا بارىسىندا اپاتتار مەديتسيناسى ورتالىعى قىزمەتكەرلەرٸ ٸس جٷزٸندە زارداپ شەككەن ادامعا كٶرسەتۋ تەسٸلدەرمەن تانىستىردى. مۇز استىنا تٷسٸپ كەتكەن ادامدى قۇتقارۋ كەزٸندەگٸ ٸس-قيمىلداردا دا پىسىقتالدى.
جالپى رەسپۋبليكا بويىنشا تٶتەنشە جاعدايلار دەپارتامەنتتەرٸ پوليتسييا دەپارتامەنتتەرٸمەن بٸرلەسٸپ, بالىق اۋلاۋ ورىندارىندا, مۇز ٷستٸمەن ٶتەتٸن جەرلەردە پاترۋلدەۋ, ارالاۋ جۇمىستارى جەنە رەيدتەردٸ تۇراقتى جٷرگٸزٸپ كەلەدٸ. كٷز-قىس مەزگٸلٸندە 4 512 پاترۋلدەۋ جەنە رەيد ٶتكٸزٸلدٸ, سۋداعى جٷرٸس-تۇرىس قاعيدالارىن ساقتاۋ بويىنشا 15 769 نۇسقاۋلىق بەرٸلدٸ.
كٷن سايىن قاۋٸپتٸ سۋ ايدىندارىندا, مۇزدىڭ قالىڭدىعىن باقىلاۋ جۇمىستارى جٷرگٸزٸلەدٸ. ول جەرلەردە 1 095 ەسكەرتۋ بەلگٸسٸ ورناتىلعان.
اعىمداعى جىلعى 1 جەلتوقسانداعى جاعداي بويىنشا سۋ ايدىندارىنداعى مۇزدىڭ قالىڭدىعى:
- سولتٷستٸك ٶڭٸردە - 5-8 سم.;
- باتىس ٶڭٸردە - 1-3 سم.;
- ورتالىق ٶڭٸردە - 10-12 سم.;
- شىعىس ٶڭٸردە - 25-30 سم.;
- وڭتٷستٸك ٶڭٸردە - 3-4 سم.
اڭ جەنە بالىق اۋلاۋ ماۋسىمى باستالعاننان بەرٸ (2020 جىلعى 1 قازان-7 جەلتوقسان) ەلدٸڭ سۋ ايدىندارىندا 16 ادام, ونىڭ ٸشٸندە 5 بالا قازا تاپتى.
بالىق اۋلاۋ كەزٸندە ەرەجەلەردٸڭ بۇزىلۋىنان 11 ادام قازا تاپتى جەنە ەرەسەك ادامداردىڭ قاراۋىنسىز قالعان 5 بالا ابايسىزدا سۋعا قۇلاپ, سۋعا باتىپ كەتتٸ.
اعىمداعى جىلى قازا بولعاندار اقمولا (5 ادام), الماتى (3 ادام, ونىڭ ٸشٸندە 2-ەۋٸ بالا), جامبىل (2 بالا), قوستاناي (2 ادام), قىزىلوردا (2 ادام), ماڭعىستاۋ (1 بالا), تٷركٸستان (1 بالا) وبلىستارىنىڭ سۋ ايدىندارىندا تٸركەلدٸ.
مەسەلەن, ٶتكەن كٷز جەنە قىس ماۋسىمىندا (2019 جىلعى 1 قازاننان باستاپ 2020 جىلعى 1 ناۋرىزعا دەيٸن) ەلٸمٸزدٸڭ سۋ ايدىندارىندا بالىق اۋلاۋ كەزٸندە قاۋٸپسٸزدٸك ەرەجەلەرٸن بۇزۋ سالدارىنان, سونداي-اق مۇز ٶتكەلدەرٸ ارقىلى ٶتۋ كەزٸندە 37 ادام (ونىڭ ٸشٸندە 10 بالا) قازا بولدى. ادامداردىڭ قازا بولۋىنىڭ نەگٸزگٸ سەبەپتەرٸ:
1) 19 ادام بالىق اۋلاۋ كەزٸندە (جاعالاۋدان جەنە/نەمەسە جٷزۋ قۇرالدارىنان) سۋعا قۇلاعان;
2) 7 ادام بالىق اۋلاۋ كەزٸندە مۇز استىنا قۇلاپ كەتكەن;
3) ويناپ جٷرٸپ 8 بالا مۇز استىنا تٷسٸپ كەتكەن, 2 بالا سۋعا قۇلاعان;
4) 1 ادام مۇز ٶتكەلدەرٸ ارقىلى ٶتۋ كەزٸندە قۇلاعان.
اۋماق بويىنشا الىپ قاراساق, قازا بولعاندار اقمولا, اتىراۋ, الماتى, اقتٶبە, شىعىس-قازاقستان, جامبىل, باتىس-قازاقستان, قوستاناي, قاراعاندى, سولتٷستٸك قازاقستان وبلىستارىنىڭ جەنە الماتى قالاسىنىڭ سۋ ايدىندارىندا تٸركەلدٸ.
وسىعان بايلانىستى, ەل ازاماتتارىن تٶمەندەگٸدەي قاۋٸپسٸزدٸك ەرەجەلەرٸن ساقتاۋعا شاقىرامىز:
1) تەۋلٸكتٸڭ قاراڭعى ۋاقىتىندا جەنە ناشار كٶرٸنگەن كەزدە مۇزعا شىقپاڭىز;
2) مۇزدىڭ جۇقا جەنە قاتپاعان جەرلەرٸمەن جٷرمەڭٸز;
3) مۇزدىڭ جەكەلەگەن بٶلٸگٸندە توپتاسۋعا بولمايدى;
4) مۇزداعى شۇڭقىرلارعا, جارىقتارعا, ويىقتارعا جاقىنداماڭىز;
5) اۆتوموبيلدەرمەن ٶتكەلدەردەن تىس جەرلەرگە شىقپاڭىز.
«مۇز استىنان بالىق اۋلاۋعا بولمايدى, بالىقتى جەكە قۇتقارۋ قۇرالدارى بولعان جاعدايدا عانا اۋلاۋ قاۋٸپسٸز. سونداي-اق شەكتەۋلٸ الاڭدا ەكٸدەن كٶپ شۇڭقىر تەسۋگە جەنە وت جاعۋعا جول بەرٸلمەيدٸ, ادامدار ٶتەتٸن جەرلەرگە بالىق اۋلاۋعا ارنالعان جەلٸلەردٸ ورناتۋعا جەنە شۇڭقىرلاردى تەسۋگە بولمايدى.
بٸر ادام ٷشٸن مۇزدىڭ قاۋٸپسٸز قالىڭدىعى كەمٸندە 10 سم. جاياۋ ٶتكەلدٸ جاساۋ ٷشٸن مۇزدىڭ قاۋٸپسٸز قالىڭدىعى 15 سم جەنە ودان استام بولۋى كەرەك. اۆتوموبيلدەردٸڭ ٶتۋٸ ٷشٸن مۇزدىڭ قاۋٸپسٸز قالىڭدىعى كەمٸندە 30 سم بولۋى كەرە», - دەلٸنگەن حابارلامادا.
