قوستاناي وبلىسىندا قۇسمۇرىن كەنتٸ ەلەكتر ستانساسىنداعى ٸرٸ ٶرتكە بايلانىستى ۋاقىتشا جارىقسىز قالدى. بۇل فاكتٸنٸ وبلىستىق تجد باسپاسٶز قىزمەتٸ تٷسٸندٸردٸ, دەپ حابارلايدى قازاقپارات.
22 جەلتوقسان كٷنٸ ساعات 6:09-دا ەۋليەكٶل اۋدانى قۇسمۇرىن كەنتٸندەگٸ شاعىن ستانسادان ٶرت شىققان.
«بٸرنەشە مينۋتتان كەيٸن ٶرت سٶندٸرۋشٸلەر وقيعا ورنىنا كەلٸپ, ونى سٶندٸرە باستادى. جەدەل شتاب قۇرىلدى. ترانسفورماتور مايى جانعان. ٶرت 70 شارشى مەتر اۋماقتى قامتىپ, جاقىن ورنالاسقان ترانسفورماتورلارعا قاۋٸپ كەلتٸردٸ. ونى سٶندٸرۋگە ايتارلىق كۇش پەن قۇرىلىم قاجەت بولدى», - دەدٸ تجد-دان.
ونى سٶندٸرۋگە 6 تەحنيكا قاتىستى. ٶرتتٸڭ شىعۋ سەبەبٸ زەرتتەۋدەن كەيٸن بەلگٸلٸ بولادى, دەدٸ دەپارتامەنتتەن.
«ٶرتتەن ەشكٸم زارداپ شەككەن جوق. ٶرت 12:49-دا اۋىزدىقتالدى. كەنتتٸ جارىقپەن قامتاماسىز ەتۋ ٷشٸن قاراسۋ جەنە ناۋرىزىم اۋداندارىنداعى ەلەكتر تاراتۋ جەلەلٸلەرٸنە قوسىلىپ, جارتىلاي قالپىنا كەلتٸرٸلدٸ. جارىقپەن قامتۋ جۇمىسى جالعاسىپ جاتىر», - دەپ تٷيٸندەدٸ تجد-دان.
