قر اشم ۆەتەرينارلىق باقىلاۋ جەنە قاداعالاۋ كوميتەتٸ تٶراعاسىنىڭ مٸندەتٸن اتقارۋشى تۇرسىن قابدولدانوۆ مەملەكەت قانداي جاعدايدا قۇس تۇماۋىنان قىرىلعان قۇستار بويىنشا شارۋا يەسٸنٸڭ شىعىنىن ٶتەپ بەرەتٸنٸن تٷسٸندٸرٸپ بەردٸ, دەپ حابارلايدى قازاقپارات.
ايتا كەتسەك وكق-دا ٶتكەن باسپاسٶز مەسليحاتى بارىسىندا كوميتەت باسشىسىنان سقو قىزىلجار اۋدانى ياكور اۋىلىنداعى قۇس فابريكاسىندا 520 مىڭنان استام قۇستىڭ ٶلتٸرٸلگەنٸ تۋرالى اقپاراتتىڭ مەن-جايى سۇرالعان ەدٸ.
«ول اۋىلداعى قۇس فابريكاسىنا بارىپ, جۇمىس توبى مەن-جايدىڭ بەرٸن تەكسەردٸ. تەكسەرٸس كەزٸندە انىقتالعانىنداي, ونداعى ٶلگەن قۇستاردىڭ 256 مىڭى اۋانىڭ جەتپەگەنٸنەن تۇنشىعىپ ٶلگەن. ول – قۇس تۇماۋىنان ەمەس. جالپى فابريكالاردى تەكسەرگەن كەزدە بٸزدە قۇس ٶندٸرۋشٸ كەسٸپورىنداردىڭ مٸندەتتەرٸ – جابىق كٷيدەگٸ مەكەمە رەتٸندە تانىلۋى كەرەك. سوندىقتان ول جەردە ۆاكتسينا قولدانىلمايدى. ەلەمدٸك تەجٸريبە سولاي. ەگەر قۇس ٶسٸرۋشٸ كومپانييا ٶز مەكەمەسٸندە قۇستىڭ جابايى اڭدارمەن بايلانىسقا تٷسپەيتٸندەي جاعداي جاساپ, ۇستاپ وتىرسا بولدى. قازٸر بٸز قۇس تۇماۋى بويىنشا ەكٸ فابريكانى عانا تەكسەرٸپ جاتىرمىز», - دەدٸ تۇرسىن قابدولدانوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا وسى ەكٸ فابريكادا ۆەتەرينارلىق تالاپتاردىڭ ورىندالماعانى بەلگٸلٸ بولعان.
«ازىق-تٷلٸك دايىندايتىن بٶلٸمشەلەرٸنٸڭ تٶبەسٸنٸڭ بەرٸ اشىق. ونىڭ ٸشٸندە جابايى قۇستار جٷر. بەرٸ جاعىندا وسى مەكەمەلەردەگٸ ۆەتەرينارلىق ماماننىڭ تٸپتٸ قولىندا ديپلومى دا جوق. سول جەردە قۇس ٶسٸرۋشٸ بولىپ ٸستەگەن مامان ۆەتەرينارلىق دەرٸگەر بولىپ كەتكەن. مامان بولماعاننان كەيٸن ول جەردەگٸ ۆەتەرينارلىق تالاپتاردىڭ ورىندالۋى ەكٸۇشتى مەسەلە. سول مەكەمەلەردٸ تەكسەرٸپ بارۋ ٷشٸن وڭايلىقپەن كٸرە المايسىڭ. موراتوريي بارىن بٸلەسٸزدەر. قۇس فابريكالارىن جيٸ تەكسەرۋگە مٷمكٸندٸك تاعى جوق», - دەدٸ ول.
تۇرسىن قابدولدانوۆ قۇس فابريكالارىنداعى ادامدار ٶلگەن قۇستاردىڭ بەرٸن ۆەتەرينارلىق دەرٸگەرلەرگە ايتپاي, كٶمٸپ تاستاسا, كٶمٸلگەن مالدان سىناما الىپ تەكسەرۋگە مٷمكٸندٸك جوق ەكەنٸن ايتادى. كٶمٸلگەن قۇسقا قازىپ الىپ, قايتا دياگنوز قويۋ مٷمكٸن ەمەس.
«زەرتحاناعا ەكەلٸنەتٸن قۇس سىناماسىنىڭ ٶزٸنٸڭ دە تالابى بار. بارىپ تەكسەرگەن كەزدە وسى قۇس ۇستاپ وتىرعان 5-6 قورادا اۋا جەتپەي قۇستىڭ تۇنشىعىپ ٶلگەنٸ تۋرالى مويىندالعان اكتٸلەر بار. سوعان بايلانىستى بٸز مەملەكەتتٸك مەكەمە رەتٸندە ناعىز ەرٸ ناقتى ٶلگەنٸ دەلەلدەنگەن, قولىندا ساراپتاماسى بار جاعدايدا عانا ٷكٸمەتتٸڭ ەسەبٸنەن ٶلگەن قۇستىڭ ورتاشا باعاسى تٶلەنەتٸنٸن حابارلايمىز. ال جەكە مەكەمە ۇستاپ وتىرعان قۇسىن باسقا جابايى اڭدارمەن بايلانىسىن بولدىرماۋىن قامتاماسىز ەتپەسە, قوراسىنىڭ اۋاسىنىڭ قالىپتى جاعدايدا تۇرۋىن قامتىماسا, وعان ٷكٸمەت تاراپىنان قارجى جۇمسالىپ, شىعىنىن تٶلەۋگە قۇقىلى ەمەسپٸز. بٸزدەگٸ زاڭدىلىق تالاپتارى وسىنداي», - دەدٸ ول.
