قر اۋىل شارۋاشىلىعى بٸرٸنشٸ ۆيتسە-مينيسترٸ ايداربەك ساپاروۆ قۇس شارۋاشىلىعىن جەممەن قامتاماسىز ەتۋ شەشٸمدەرٸ تۋرالى ايتتى, دەپ حابارلايدى قازاقپارات.
«بيىل رەسپۋبليكالىق بيۋدجەتتەن «ازىق-تٷلٸك كەلٸسٸمشارت كورپوراتسيياسى» اق جارعى كاپيتالىن ارتتىرۋعا 20 ملرد تەڭگە بٶلٸندٸ. بۇل قاراجات 200 مىڭ توننا كٶلەمدەگٸ جەمدٸ فورۆاردتى تەرتٸپتە ساتىپ الۋعا باعىتتالعان. ونىڭ ٸشٸندە 150 مىڭ توننا استىق قۇس فابريكالارىنا ٶتكٸزٸلەدٸ. بۇل قۇس جەمٸنٸڭ سوماسى نارىقتاعى قۇنىنان 30 پايىزعا ارزان», - دەدٸ ساپاروۆ ەلورداداعى ٸح حالىقارالىق قۇس ٶسٸرۋشٸلەر فورۋمىندا.
بيىل قازاقستاندا قۇس ٶسٸرۋ سالاسىندا وڭ كٶرسەتكٸشتەر بايقالىپ وتىر.
بۇعان دەيٸن حابارلانعانداي, قۇس جەمٸنٸڭ قىمباتتاۋىنا بايلانىستى قۇس ٶسٸرۋشٸلەر قيىندىققا تاپ بولعان.
«قۇس جەمٸنٸڭ بٸر تونناسى 180-190 مىڭ تەڭگەگە جەتتٸ. قۇس ەتٸ مەن جۇمىرتقانىڭ ٶزٸندٸك قۇنىندا 70 پايىزى جەمنٸڭ باعاسىنا قاتىستى بولادى. ەگەر قۇس جەمٸ ارزان بولسا, وندا بٸزدٸڭ ٶنٸم دە نارىققا تٶمەن باعامەن شىعادى», - دەدٸ قازاقستان قۇس ٶسٸرۋشٸلەرٸ وداعىنىڭ پرەزيدەنتٸ رۋسلان شەرٸپوۆ.
قازاقستاننىڭ قۇس ٶسٸرۋشٸلەرٸ وسى سالاعا مەملەكەتتٸك قولداۋ جاساۋدى سۇراپ وتىر.
