قازاقستاننىڭ قۇرىلىسشىلار وداعىنىڭ ٶكٸلدەرٸ باسپانا ساتۋداعى ٶزەكتٸ مەسەلەلەردٸ اتادى, دەپ حابارلايدى قازاقپارات.
«ەلٸمٸزدە باسپانا جەتٸسپەۋشٸلٸگٸنٸڭ ٶزەكتٸ مەسەلە بولىپ وتىرعانى بارشاعا ايان. باسپانانىڭ قىمبات بولۋىنان حالىقتىڭ ٷي الۋعا قاراجاتى جەتپەيدٸ. مەملەكەت «7-20-25», «نۇرلى جەر», «باقىتتى وتباسى» سىندى باعدارلامالار ەزٸرلەدٸ. بٸراق, بۇل باعدارلامالار حالىقتىڭ مۇقتاج بٶلٸگٸن قامتاماسىز ەتۋگە باعىتتالعان. اتالعان ساناتقا كٸرمەيتٸن تۇرعىندار باسپانا الۋدا قينالادى», - دەدٸ قازاقستاننىڭ قۇرىلىسشىلار وداعى ساراپتاما بٶلٸمٸنٸڭ باسشىسى ەسەم نٷكەنوۆا ەلوردادا ٶتكەن جيىندا.
سونىمەن بٸرگە, وداق ٶكٸلٸ باسپانانىڭ قىمباتتاپ, حالىقتىڭ ساتىپ الۋ قابٸلەتٸنٸڭ تٶمەندەپ بارا جاتقانىن جەتكٸزدٸ.
«ينجەنەرلٸك ينفراقۇرىلىم مەن ٷيلەردٸڭ ٸشكٸ اباتتانۋى بويىنشا مٸندەتتەمەلەر قۇرىلىسشىعا بەرٸلگەن. ودان بٶلەك, كٶلٸك تۇراقتارىن سالۋ دا باسپانانىڭ قىمباتتاۋىنا ىقپال ەتەدٸ. ال مەملەكەت, ياعني قۇرىلىس ٸستەرٸ كوميتەتٸ ٷي سالۋشىنىڭ قۇرىلىس ماتەريالدارىن وتاندىق ٶندٸرۋشٸلەردەن الۋىن تالاپ ەتٸپ وتىر. يمپورتتىق تاۋارلاردىڭ باعاسى دا ارزان, ساپاسى دا جاقسىراق ەكەنٸ بەلگٸلٸ. ونسىز دا حالىقتىڭ تٶلەم قابٸلەتٸ جىلدان-جىلعا تٶمەندەپ كەلەدٸ. سالدارىنان, حالىقتىڭ باسپانا دەگەن سۇرانىسىن ٶتەي المايمىز», - دەدٸ ە. نٷكەنوۆا.
ونىڭ ايتۋىنشا, قۇرىلىس سالاسىنداعى مەملەكەتتٸك-جەكەشەلٸك ەرٸپتەستٸكتٸ ارتتىرۋ مەسەلەنٸ شەشۋگە كٶمەكتەسەدٸ.
«ەزٸرگە ەلەۋمەتتٸك باعدارلامالار اياسىندا مەملەكەتتٸك-جەكەشەلٸك ەرٸپتەستٸك بار. ەگەر مەملەكەتتٸ بارلىق قۇرىلىس سالاسىنا قوسار بولساق, باسپانا باعاسى ارزانداپ, حالىقتىڭ ساتىپ الۋ تٶلەمٸ ارتار ەدٸ. ٷي سالۋشىلار الىپساتاردىڭ ارالاسۋىنسىز-اق قۇرىلىس ماتەريالدارىن ساتىپ الۋى ٷشٸن بٸرىڭعاي ونلاين-رەسۋرس قۇرۋدى ۇسىنامىز. ٷي سالۋ كومبيناتتارىنا تۇراقتى جٷكتەمە بەرٸپ, قولجەتٸمدٸ باسپانا قۇرىلىسى بويىنشا ۇزاق مەرزٸمدٸ كەلٸسٸمشارت بەكٸتۋگە بولادى. ودان بٶلەك, قۇرىلىس ٸستەرٸ كوميتەتٸ ٷي سالۋشىلاردى تەك قانا وتاندىق ماتەريالداردى ساتىپ الۋىن مٸندەتتەيتٸن زاڭ جوباسىن ەزٸرلەپ جاتىر. ولاردىڭ ماتەريالى قىمبات بولعاندىقتان, قۇرىلىسشىلار وداعى مەملەكەتتٸك-جەكەشەلٸك ەرٸپتەستٸك اياسىندا مەملەكەتتٸڭ قۇرىلىس ماتەريالدىن ساتىپ الۋعا 20-30% مٶلشەردە سۋبسيدييا بٶلگەنٸن قالايدى», - دەدٸ ەسەم نٷكەنوۆا.
