2025 جىلعا قاراي قۇرىلىس ماتەريالدارىنىڭ يمپورت ٷلەسٸن 42-دەن 27 پايىزعا دەيٸن ازايتىلادى. بۇل تۋرالى ٷكٸمەت وتىرىسىندا پرەمەر-مينيستر اسقار مامين مەلٸم ەتتٸ, دەپ حابارلايدى قازاقپارات.
«ەلەمدە ينفلياتسييا دەڭگەيٸنٸڭ جوعارى بولۋىنا جەنە قۇرىلىس ماتەريالدارىنىڭ قىمباتتاۋىنا بايلانىستى ٷكٸمەت ەكٸمدٸكتەرمەن بٸرگە وتاندىق قۇرىلىس ماتەريالدارىنىڭ ٶندٸرٸسٸن دامىتۋ بويىنشا ناقتى شارالاردى ٸسكە اسىرىپ جاتىر. بيىلعى جىلى قۇنى 76 ملرد تەڭگە بولاتىن قۇرىلىس ماتەريالدارىن ٶندٸرۋ بويىنشا 34 ٸرٸ جوبا ٸسكە اسىرىلدى, 2,2 مىڭنان استام جۇمىس ورنى قۇرىلدى. وسىنداي شارالاردىڭ اياسىندا قۇرىلىس ماتەريالدارى ٶندٸرٸسٸندە جوعارى سەرپٸن بايقالىپ وتىر», - دەدٸ ا. مامين.
ونىڭ ايتۋىنشا, 11 ايدىڭ قورىتىندىسى بويىنشا ٶسٸم 9,2 پايىزدى قۇرادى.
«نارىقتى قولجەتٸمدٸ وتاندىق قۇرىلىس ماتەريالدارىمەن قامتاماسىز ەتۋ ٷشٸن 2025 جىلعا قاراي قۇنى 1 ترلن تەڭگەدەن اساتىن قۇرىلىس يندۋستريياسىنىڭ 165 جاڭا جوباسى ٸسكە اسىرىلادى. كەڭٸنەن قولدانىلاتىن قۇرىلىس ماتەريالدارىنىڭ ٶندٸرٸسٸ ۇيىمداستىرىلادى, ونىڭ ٸشٸندە شىنى, كەراميكا تاقتاشالار, سانفايانس, قاسبەت جەنە جىلۋ ساقتايتىن ماتەريالدار جەنە تاعى باسقا. بۇل 2025 جىلعا قاراي يمپورت ٷلەسٸن 42-دەن 27 پايىزعا دەيٸن ازايتادى. جاڭا ٶندٸرٸستەر قۇرۋ جەنە جۇمىس ٸستەپ تۇرعاندارىن جاڭعىرتۋ قۇرىلىس ماتەريالدارىنىڭ قولجەتٸمدٸلٸگٸن قامتاماسىز ەتەدٸ جەنە جالپى يمپورت ٷلەسٸن ازايتۋعا مٷمكٸندٸك بەرەدٸ. جالپى بۇل جۇمىستى بەلسەندٸ تٷردە جالعاستىرۋ قاجەت», - دەدٸ ٷكٸمەت باسشىسى.
