قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين قازاقستاندا قۇرىلىس ماتەريالدارىنىڭ قىمباتتاۋ سەبەپتەرٸن تٷسٸندٸردٸ, دەپ حابارلايدى قازاقپارات.
«اگەنتتٸك جٷرگٸزگەن باعا مونيتورينگٸنە سەيكەس, زاۋىتتان تۇتىنۋشىعا دەيٸنگٸ تسەمەنت قۇنىنىڭ ٶسۋٸ 25%-دى كٶرسەتكەن. الدىن الا اقپارات بويىنشا, باعانىڭ نەگٸزگٸ ٶسۋٸ كٶتەرمە-بٶلشەك بٶلٸمٸندە بايقالادى. بٸرقاتار ٸرٸ ٶندٸرۋشٸ تسەمەنت ساتۋدى تەك ٶزدەرٸنٸڭ ساۋدا جەنە ساتۋ كومپانييالارى ارقىلى جٷرگٸزەدٸ. قازاقستان تەمٸرجول اقپاراتى بويىنشا, مامىر ايىندا ٶتكەن جىلمەن سالىستىرعاندا تسەمەنت تاسىمالداۋ كٶلەمٸ 14%-دان استام (900 مىڭ توننا) ٶسكەن. بۇل رەتتە ماگيسترالدىق تەمٸرجول جەلٸسٸ تاريفٸنٸڭ ۇلعايۋى تسەمەنت باعاسىنىڭ ٶسۋٸ 5%-دان اسپايتىنىنا ەسەر ەتتٸ. تسەمەنت باعاسىنىڭ ناقتى ٶسۋٸنٸڭ سەبەپتەرٸ بايقالىپ وتىرعان جوق, سوندىقتان, باعانىڭ ٶسۋٸنە بايلانىستى باستى نازار كٶتەرمە-بٶلشەك ساۋداعا اۋدارىلادى», - دەدٸ س. جۇمانعارين بٷگٸنگٸ ٷكٸمەت وتىرىسىندا.
ونىڭ ايتۋىنشا, قازاقستان ٶزٸن تسەمەنتپەن 100% قامتاماسىز ەتەدٸ, تسەمەنتتٸڭ 20%-دان استامى ەكسپورتتالادى.
«كٸرپٸش نارىعىندا رەسپۋبليكا بويىنشا 88 نەگٸزگٸ ٶندٸرۋشٸ بار. جەرگٸلٸكتٸ نارىقتاردا, وبلىستاردىڭ شەكارالارىندا بٸرقاتار قاتىسۋشىلاردىڭ باسىمدىعى ورىن الۋدا. سونىمەن بٸرگە, ٸشكٸ نارىقتىڭ 50%-ى كەراميكالىق كٸرپٸشتٸ يمپورتتاۋ ارقىلى قامتىلادى, ال بٸز ٶزٸمٸزدٸ سيليكات كٸرپٸشپەن قامتاماسىز ەتەمٸز. يمپورتتىڭ جوعارى ٷلەسٸن ەسكەرە وتىرىپ, كەراميكالىق كٸرپٸشكە باعانىڭ ەڭ جوعارى ٶسۋٸ بايقالىپ وتىر (30%), دەگەنمەن رەسەي فەدەراتسيياسىندا كەراميكالىق كٸرپٸشتٸڭ قىمباتتاۋى 5-10% كٶرسەتكەن», - دەيدٸ سپيكەر.
رەسپۋبليكا بويىنشا ارماتۋرا نارىعىندا 5 ٶندٸرۋشٸ جۇمىس ٸستەيدٸ, ولاردىڭ نەگٸزگٸلەرٸ – ٶندٸرٸس قۋاتى 400 مىڭ توننا قاراعاندىداعى «ارسەلورميتتال تەمٸرتاۋ» اق جەنە قوستانايداعى «ەۆرازكاسپيان ستال» جشس (450 مىڭ توننا). سونىمەن قاتار, يمپورت 65% بولعاندىقتان, نارىق يمپورتقا تەۋەلدٸ. ارماتۋرانىڭ ەلەمدٸك باعاسى 70%-دان جوعارى بولىپ وتىر.
«سونداي-اق, پوليەتيلەن قۇبىرلارىنا باعانىڭ ٶسۋٸ بايقالادى. قازاقستان بويىنشا ورتاشا ٶسٸم – 10%, ونىڭ ٸشٸندە اقمولا وبلىسىندا – 62%, شىمكەنت قالاسىندا جەنە اقتٶبە وبلىسىندا – 19%, قاراعاندى وبلىسىندا-14% . بۇل رەتتە, اقمولا وبلىسىندا «قازينجينيرينگ» اق ەنشٸلەس كەسٸپورنى «تىنىس» اق باعانى 62%-عا كٶتەرگەن, ال شيكٸزات باعاسى 10%-دان اسپاعان. اتالعان فاكتٸ بويىنشا مونوپوليياعا قارسى زاڭنامانى بۇزۋشىلىقتاردى جويۋ تۋرالى حابارلاما شىعارىلدى.
پوليەتيلەن قۇبىرلارىن ٶندٸرۋگە ارنالعان شيكٸزات تولىعىمەن يمپورتتالعانىن اتاپ ٶتكەن جٶن (رف). سونىمەن قاتار, رەسەي فەدەراتسيياسىندا پوليەتيلەن شيكٸزاتٸ باعاسى 10-15% قىمباتتاعان», - دەپ تٷسٸندٸردٸ س. جۇمانعارين.
«وسىلايشا بٸز ەڭ الدىمەن, قۇرىلىس ماتەريالدارى باعاسىنىڭ الىپساتارلىق ٶسۋٸن كٶرٸپ وتىرمىز. وسىعان بايلانىستى اگەنتتٸك باعالىق ۋاعدالاسۋدىڭ انىقتالعان بەلگٸلەرٸ بويىنشا ەرەكەت ەتۋ شارالارىن قابىلدايدى», - دەدٸ اگەنتتٸك تٶراعاسى.
