بۇدان بىلاي قازاقستاندىقتار قۇرىلىس كومپانيياسىنان جىلجىمايتىن مٷلٸك ساتىپ الۋ رەسٸمٸن باستان-اياق ونلاين تٸركەي الادى. ياعني, باسپانا ساتىپ العان تۇرعىن بۇرىنعىداي قۇرىلىس كومپانيياسى, بانك, نوتاريۋس, حالىققا قىزمەت كٶرسەتۋ ورتالىعى سيياقتى مەكەمەلەردٸڭ اراسىندا سابىلمايدى. Astana Hub الاڭىندا وسى جوبا تانىستىرىلدى,دەپ حابارلايدى قازاقپارات تٸلشٸسٸ.
بلوكچەين تەحنولوگيياسىن قولدانىپ جاسالعان جوبا قازاقستاندىقتارعا جىلجىمايتىن مٷلٸكتٸ ونلاين رەجيمدە ساتىپ الۋ مٷمكٸندٸگٸن ۇسىنىپ وتىر. قاراپايىم تٷسٸندٸرسەك, بۇرىن پەتەردٸ ساتۋ-ساتىپ الۋ پروتسەسٸن زاڭ تالاپتارىنا ساي رەسٸمدەپ شىعۋعا بٸرنەشە كٷن كەتەتٸن. جاڭا قىزمەت ەلەكتروندى تسيفرلىق قولتاڭبا ارقىلى بٷكٸل پروتسەستٸ بٸر كٷندە رەسٸمدەۋگە مٷمكٸندٸك بەرەدٸ. جوبا اۆتورلارىنىڭ ايتۋىنشا, قازٸر بۇل تەسٸل تەستٸ رەجيمٸندە سىناقتان ٶتٸپ جاتىر. وسى كەزەڭنەن سەتتٸ ٶتسە, قۇرىلىس كومپانييالارىنان باسپانا ساتىپ الۋدىڭ بٷكٸل رەسٸمٸ 15 مينۋتقا قىسقارماق.
جاڭا قىزمەتتٸ باق ارقىلى جۇرتشىلىققا تانىستىرۋ ٷشٸن ۇيىمداستىرىلعان بريفينگٸگە قر تسيفرلىق دامۋ, يننوۆاتسييالار جەنە اەروعارىشتىق ٶنەركەسٸبٸ مينيسترٸ باعدات مۋسين قاتىسىپ, بلوكچەين تەحنولوگيياسىنىڭ ارتىقشىلىعىن تٷسٸندٸردٸ.
مينيستر وسىدان بٸر جىل بۇرىن قازاقستاندىقتارعا جىلجىمايتىن مٷلٸكتٸ ساتۋ-ساتىپ الۋ رەسٸمٸن ونلاين تٸركەيتٸن تەتٸك قۇراستىرىپ, ٸسكە قوسۋعا ۋەدە بەرگەنٸن ەسكە الدى.
«بىلتىر مەن يپوتەكانى جەنە جىلجىمايتىن مٷلٸكتٸ رەسٸمدەۋ پروتسەسٸن وڭتايلاندىرىپ, وعان كەتەتٸن ۋاقىتتى 5 كٷننەن 1 كٷنگە دەيٸن قىسقارتۋ تۋرالى ۋەدە بەرگەن بولاتىنمىن. جىل باسىنان بەرٸ جىلجىمايتىن مٷلٸكتٸ تٸركەۋ قىزمەتٸنە 1,6 ملن ادام جٷگٸنگەن ەكەن. ونىڭ 700 مىڭ نوتاريۋس ارقىلى قايتالاما نارىقتان مٷلٸك ساتىپ العان. ول پروتسەستە ەشقانداي قولايسىزدىق جوق. نوتاريۋستە كەلٸسٸمشارت جاساۋ ارقىلى بٷكٸل جۇمىستى تىندىرادى. ال جىلجىمايتىن مٷلٸكتٸ قۇرىلىس كومپانييالارىنان ساتىپ الۋ كەزٸندە جەنە يپوتەكا رەسٸمدەۋ كەزٸندە بٸرنەشە مەكەمەنٸڭ ەسٸگٸن بٸرنەشە رەت توزدىرۋعا تۋرا كەلەدٸ», - دەدٸ باعدات مۋسين.
ايتۋىنشا, وسىنداي قىزمەتكە جىل باسىنان بەرٸ 900 مىڭنان 1 ميلليونعا دەيٸن ادام جٷگٸنگەن.
«ولاردىڭ ەرقايسىسى حالىققا قىزمەتكە كٶرسەتۋ ورتالىعىنا 2-3 رەتتەن كەلگەن. وسىلايشا قۇرىلىس كومپنانيياسى, بانك, نوتاريۋس جەنە حكو اراسىندا سابىلىپ جٷرەتٸن. بٷگٸن ٷيدٸ ساتىپ الۋ, ونى رەسٸمدەۋ, مەملەكەتتٸك ورگانداردا تٸركەۋ, مەنشٸك يەسٸن اۋىستىرۋ سيياقتى بٸرنەشە پروتسەستٸڭ بەرٸن شەشٸپ, بٸر كٷندٸك مەرزٸمگە قىسقارتۋ ٷشٸن وسى پيلوتتىق جوبانى ٸسكە اسىرىپ وتىرمىز.
«وتباسى بانك», Freedom Finance بانكٸ يپوتەكانى ونلاين رەسٸمدەۋ مەسەلەسٸن جارتى جىل بۇرىن شەشكەن بولاتىن. ال بۇل جوبا پەتەردٸ قۇرىلىس كومپانييالارىنان ساتىپ العان كەزدە حكو, نوتاريۋس, بانك جەنە قۇرىلىس كومپانيياسىنىڭ اراسىنداعى قارىم-قاتىناستى تسيفرلاندىرىپ وتىر. Halyk Bank جەنە BI Group وسى مەسەلەنٸ شەشۋ ٷشٸن ٶزدەرٸ اتسالىسىپ, مەملەكەتكە ۇسىنىس بەردٸ. بٸراق بۇل جوبا وسى كومپانييالارمەن شەكتەلەدٸ دەگەن سٶز ەمەس. باسقا دا قۇرىلىس كومپانييالارى, بانكتەردٸڭ بەرٸ وسى پيلوتتىق جوبانىڭ قىزمەتٸن پايدالانا الادى», - دەدٸ مينيستر.
پيلوتتىق جوبانىڭ ٶمٸرگە كەلۋٸنە مۇرىندىق بولعان BI Group كومپانيياسى مەن Halyk Bank ٶكٸلدەرٸ دە جوبانىڭ قالاي دايىندالعانىن باياندادى.
جوبانى ەزٸرگە 2 مەكەمەنٸڭ پلاتفورماسى پايدالانىپ باستادى. ونلاين يپوتەكانىڭ تولىق تسيكلٸن اتالمىش قىزمەت ارقىلى رەسٸمدەۋ BI Group پەن Altyn Bank سايتىندا قولجەتٸمدٸ.
