Budan bylai qazaqstandyqtar qurylys kompaniiasynan jyljymaityn múlik satyp alý rásimin bastan-aiaq onlain tirkei alady. Iaǵni, baspana satyp alǵan turǵyn burynǵydai qurylys kompaniiasy, bank, notariýs, halyqqa qyzmet kórsetý ortalyǵy siiaqty mekemelerdiń arasynda sabylmaidy. Astana Hub alańynda osy joba tanystyryldy,dep habarlaidy QazAqparat tilshisi.
Blokchein tehnologiiasyn qoldanyp jasalǵan joba qazaqstandyqtarǵa jyljymaityn múlikti onlain rejimde satyp alý múmkindigin usynyp otyr. Qarapaiym túsindirsek, buryn páterdi satý-satyp alý protsesin zań talaptaryna sai rásimdep shyǵýǵa birneshe kún ketetin. Jańa qyzmet elektrondy tsifrlyq qoltańba arqyly búkil protsesti bir kúnde rásimdeýge múmkindik beredi. Joba avtorlarynyń aitýynsha, qazir bul tásil testi rejiminde synaqtan ótip jatyr. Osy kezeńnen sátti ótse, qurylys kompaniialarynan baspana satyp alýdyń búkil rásimi 15 minýtqa qysqarmaq.
Jańa qyzmetti BAQ arqyly jurtshylyqqa tanystyrý úshin uiymdastyrylǵan brifingige QR Tsifrlyq damý, innovatsiialar jáne aeroǵaryshtyq ónerkásibi ministri Baǵdat Mýsin qatysyp, blokchein tehnologiiasynyń artyqshylyǵyn túsindirdi.
Ministr osydan bir jyl buryn qazaqstandyqtarǵa jyljymaityn múlikti satý-satyp alý rásimin onlain tirkeitin tetik qurastyryp, iske qosýǵa ýáde bergenin eske aldy.
«Byltyr men ipotekany jáne jyljymaityn múlikti rásimdeý protsesin ońtailandyryp, oǵan ketetin ýaqytty 5 kúnnen 1 kúnge deiin qysqartý týraly ýáde bergen bolatynmyn. Jyl basynan beri jyljymaityn múlikti tirkeý qyzmetine 1,6 mln adam júgingen eken. Onyń 700 myń notariýs arqyly qaitalama naryqtan múlik satyp alǵan. Ol protseste eshqandai qolaisyzdyq joq. Notariýste kelisimshart jasaý arqyly búkil jumysty tyndyrady. Al jyljymaityn múlikti qurylys kompaniialarynan satyp alý kezinde jáne ipoteka rásimdeý kezinde birneshe mekemeniń esigin birneshe ret tozdyrýǵa týra keledi», - dedi Baǵdat Mýsin.
Aitýynsha, osyndai qyzmetke jyl basynan beri 900 myńnan 1 millionǵa deiin adam júgingen.
«Olardyń árqaisysy halyqqa qyzmetke kórsetý ortalyǵyna 2-3 retten kelgen. Osylaisha qurylys kompnaniiasy, bank, notariýs jáne HKO arasynda sabylyp júretin. Búgin úidi satyp alý, ony rásimdeý, memlekettik organdarda tirkeý, menshik iesin aýystyrý siiaqty birneshe protsestiń bárin sheship, bir kúndik merzimge qysqartý úshin osy pilottyq jobany iske asyryp otyrmyz.
«Otbasy bank», Freedom Finance banki ipotekany onlain rásimdeý máselesin jarty jyl buryn sheshken bolatyn. Al bul joba páterdi qurylys kompaniialarynan satyp alǵan kezde HKO, notariýs, bank jáne qurylys kompaniiasynyń arasyndaǵy qarym-qatynasty tsifrlandyryp otyr. Halyk Bank jáne BI Group osy máseleni sheshý úshin ózderi atsalysyp, memleketke usynys berdi. Biraq bul joba osy kompaniialarmen shekteledi degen sóz emes. Basqa da qurylys kompaniialary, bankterdiń bári osy pilottyq jobanyń qyzmetin paidalana alady», - dedi ministr.
Pilottyq jobanyń ómirge kelýine muryndyq bolǵan BI Group kompaniiasy men Halyk Bank ókilderi de jobanyń qalai daiyndalǵanyn baiandady.
Jobany ázirge 2 mekemeniń platformasy paidalanyp bastady. Onlain ipotekanyń tolyq tsiklin atalmysh qyzmet arqyly rásimdeý BI Group pen Altyn Bank saitynda qoljetimdi.
