بٷگٸن ەلوردا تٶرٸندە كٷرەس تٷرلەرٸنەن ٶتٸپ جاتقان ەلەم چەمپيوناتىندا قازاقستان قورجىنىنا ٷشٸنشٸ مەدال تٷستٸ, دەپ حابارلايدى "ۇلت اقپارات".
گرەك-ريم كٷرەسٸنەن ەرلەر اراسىندا 60 كەلٸ سالماقتا ەل نامىسىن قورعاپ جاتقان بالۋانىمىز مەيرامبەك ايناعۇلوۆ قولا مەدال ٷشٸن بەلدەسۋدە ۋكراينالىق لەنۋر تەميروۆتٸ 10:0 ەسەبٸمەن جەڭٸپ, قازاقستان قورجىنىنا ەكٸنشٸ قولا مەدالدٸ سالدى.
ايتا كەتەلٸك, ايناعۇلوۆ وسىعان دەيٸن توكيو وليمپياداسىنىڭ جولداماسىن دا جەڭٸپ العان بولاتىن. مٸنە, بٷگٸن ەلەم چەمپيوناتىنىڭ قولا جٷلدەگەرٸ اتاندى.
ەستەرٸڭٸزگە سالا كەتەيٸك, وسىعان دەيٸن قازاقستان قۇراماسىنان 55 كەلٸ سالماقتا گرەك-ريم كٷرەسٸنٸڭ شەبەرٸ قورلان جاقانشا ەل قورجىنا العاشقى كٷمٸس جٷلدەنٸ سىيلاسا, سول كٷنٸ المات كەبٸسپاەۆ قولا مەدال جەڭٸپ العان بولاتىن.
