Búgin elorda tórinde kúres túrlerinen ótip jatqan álem chempionatynda Qazaqstan qorjynyna úshinshi medal tústi, dep habarlaidy "Ult aqparat".
Grek-rim kúresinen erler arasynda 60 keli salmaqta el namysyn qorǵap jatqan balýanymyz Meirambek Ainaǵulov qola medal úshin beldesýde ýkrainalyq Lenýr Temirovti 10:0 esebimen jeńip, Qazaqstan qorjynyna ekinshi qola medaldi saldy.
Aita ketelik, Ainaǵulov osyǵan deiin Tokio Olimpiadasynyń joldamasyn da jeńip alǵan bolatyn. Mine, búgin álem chempionatynyń qola júldegeri atandy.
Esterińizge sala keteiik, osyǵan deiin Qazaqstan quramasynan 55 keli salmaqta grek-rim kúresiniń sheberi Qorlan Jaqansha el qorjyna alǵashqy kúmis júldeni syilasa, sol kúni Almat Kebispaev qola medal jeńip alǵan bolatyn.
