قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قۇرباندىق شالۋدىڭ كٸمدەرگە مٸندەتتەلگەنٸن تٷسٸندٸردٸ, دەپ حابارلايدى "ۇلت اقپارات".
«حانافي مەزھابىندا قۇربان ايت كٷندەرٸ باي ادامعا قۇربان شالۋ – ۋەجٸپ ياعني مٸندەت. شاريعاتىمىز بويىنشا «باي» دەپ مال-دٷنيەسٸ نىساپ مٶلشەرٸنە جەتكەن ادامعا ايتىلادى. نىساپ مٶلشەرٸ – 40 قوي نەمەس 40 ەشكٸ, ياكي 30 ٸرٸ قارا نەمەسە 5 تٷيە. ول دا بولماسا قاجەتتٸلٸگٸنەن ارتىق
باس مٷفتيدٸڭ ايتۋىنشا, ايت كٷندەرٸ از دا بولسا ساداقا بەرٸپ, قاراۋسىز قالعان قارتتارعا, جەتٸمدەر مەن كٶپبالالى وتباسىلارعا كٶڭٸل بٶلۋ – ساۋاپتى ٸس.
«قۇرباندىق ەتٸن مۇقتاج جاندارعا ٷلەستٸرۋ ارقىلى مۇسىلماندار اراسىندا ماحاببات پەن سٷيٸسپەنشٸلٸك ارتادى. سونىمەن قاتار ٶزٸنٸڭ بويىنداعى قاتىگەزدٸك, ساراڭدىق سىندى سيپاتتاردان ارىلىپ, ونى مەيٸرٸمدٸلٸك, جومارتتىق, كٸشٸپەيٸلدٸك قاسيەتتەرگە اۋىستىرادى. اللا تاعالا شالعان قۇرباندىعىمىزدى, بەرگەن ساداقامىزدى قابىل ەتٸپ, ەكٸ دٷنيە يگٸلٸگٸن نەسٸپ ەتكەي!», - دەدٸ ناۋرىزباي قاجى تاعانۇلى.
باس مٷفتيدٸڭ ايتۋىنشا, qurban2021.kz سايتى بٷگٸن ساعات 15:00-دە ٸسكە قوسىلىپ, قۇربان ايتتىڭ ٷشٸنشٸ كٷنٸ ياعني 22-شٸ شٸلدەگە دەيٸن جۇمىس ٸستەيدٸ. قۇربان شالۋعا نيەت ەتكەن ازاماتتار وسى ارالىقتا تاپسىرىستارىن بەرە الادى. وسى سايت ارقىلى رەسپۋبليكا بويىنشا مۇقتاج جاندار قۇرباندىق ەتٸن الۋ ٷشٸن 17 شٸلدەدەن باستاپ ٶتٸنٸش بٸلدٸرە الادى.
بيىلعى 20 شٸلدەدە رەسپۋبليكا اۋماعىندا تاڭعى ساعات 7.00-دە قاتاڭ سانيتارلىق نورما تالاپتارىن ساقتاي وتىرىپ, «سارى», «جاسىل» ايماقتاردا 10 مينۋتتىق قۇربان ايت نامازى وقىلادى.
