ەلوردادا دەستٷرلٸ قۇربان شالۋ ورىندارى جابىق بولادى. قۇربان شالۋ ٷشٸن «Qurban2020.kz» سايتى ٸسكە قوسىلدى, دەپ حابارلايدى قازاقپارات قالا ەكٸمدٸگٸنٸڭ رەسمي سايتىنا سٸلتەمە جاساپ.
نۇر-سۇلتان قالالىق دٸن ٸستەرٸ باسقارماسى قاسيەتتٸ قۇربان ايت مەرەكەسٸ قارساڭىندا قۇربان شالۋ تەرتٸبٸن تٷسٸندٸردٸ. سانيتارلىق-ەپيدەميولوگييالىق احۋالعا بايلانىستى قالا مەشٸتتەرٸندە 31 شٸلدە كٷنٸ ايت نامازى وقىلمايدى. قوعامدىق قاۋٸپسٸزدٸكتٸ, ادامداردىڭ كٶپ جينالماۋىن قامتاماسىز ەتۋ ماقساتىندا قالا اۋماعىندا ورنالاسقان دەستٷرلٸ قۇربان شالۋ ورىندارى (بازارلار, شارۋا قوجالىقتارى) جابىق بولادى.
«وسى ورايدا, العاش رەت قاشىقتان قۇربان شالۋدى ۇيىمداستىرۋ ماقساتىندا «qurban2020.kz» سايتى ٸسكە قوسىلدى. اتالعان سايتتا كەز كەلگەن ازامات ونلاين تٷردە قۇربان شالۋعا تاپسىرىس بەرە الادى. قۇرباندىققا سويىلعان ەت تٷگەلدەي ەلەۋمەتتٸك كٶمەككە مۇقتاج وتباسىلارعا ٷلەستٸرٸلەدٸ», – دەلٸنگەن حابارلامادا.
«Qurban2020.kz» سايتىندا مۇقتاج جاندارعا ارنايى «قۇرباندىق ەتٸن الۋ ٷشٸن ٶتٸنٸش قالدىرۋ» فۋنتسيياسى دا ٸسكە قوسىلدى. تيٸستٸ قۇجاتتاردى جٷكتەۋ ارقىلى مۇقتاج وتباسىلار ەلەۋمەتتٸك كٶمەك الۋ ٷشٸن ونلاين ٶتٸنٸش جولداي الادى. سونىمەن قاتار ەلوردا اۋماعىنا ساتۋ ماقساتىندا ٸرٸ قارا مال مەن قوي كٸرگٸزۋ شەكتەلەدٸ. دٸن ٸستەرٸ باسقارماسى تۇرعىنداردى سانيتارلىق-ەپيدەميولوگييالىق قاۋٸپسٸزدٸك ەرەجەلەرٸن ساقتاۋعا شاقىرادى.
ايتا كەتسەك, بيىل قۇربان ايت مەرەكەسٸ 31 شٸلدە مەن 2 تامىز ارالىعىندا ٶتەدٸ.
