ۆيدەودان الىنعان كادرلار
پەتروپاۆل ەكٸمٸ جاقىندا بولعان ٶرتتەن 9 باسپانانىڭ جانىپ كەتۋٸنە بايلانىستى سٶگٸس الدى, دەپ حابارلايدى قازاقپارات.
سولتٷستٸك قازاقستان وبلىسى ەكٸمدٸگٸ اپپاراتىنىڭ وتىرىسىندا پەتروپاۆل قالاسىنىڭ ەكٸمٸ رۋسلان اڭباەۆ سٶگٸس الدى. وعان نەگٸز – ٶرتتٸڭ الدىن الۋدا تيٸستٸ جۇمىستىڭ جاسالماۋى. مەسەلەن, قۋراعان شٶپتٸ شاۋىپ, جويۋ ٷشٸن بيۋدجەتتەن جىلدا قاراجات بٶلٸنەدٸ. بيىل وسى ماقساتقا 67 ملن تەڭگە جوسپارلانعان, الايدا تيٸستٸ جۇمىس جٷرگٸزٸلمەگەن.
«قالا ەكٸمٸ جۇمىستى دۇرىس ۇيىمداستىرماعان. قۋراعان شٶپ-قامىس دەر كەزٸندە شابىلماعان. وسىنداي جاۋاپسىزدىقتان تۇرعىندار باسپاناسىز قالدى. بار مٷلكٸنەن, قۇجاتتارىنان ايىرىلدى. مۇنىڭ الدىن الۋعا بولار ەدٸ, ەگەر دە تيٸستٸ جۇمىس ۋاقىتىندا جٷرگٸزٸلسە. ارنايى قارجى بٶلٸنبەسە, اقشا بولماسا مەن تٷسٸنەر ەدٸم», - دەدٸ وبلىس ەكٸمٸ ايداربەك ساپاروۆ.
ەستەرٸڭٸزگە سالايىق, 7 مامىر كٷنٸ پەتروپاۆلداعى بەرەكە ىقشام اۋدانىندا قامىس جانىپ, ارتى اۋقىمدى ٶرتكە ۇلاستى.
سول كٷنٸ قاتتى جەل تۇرىپ, تٸلسٸز جاۋدى اۋىزدىقتاۋعا ٷش ساعات ۋاقىت كەتتٸ. 9 ٷي كٷلگە اينالدى, تاعى ەكەۋٸنە زاقىم كەلدٸ, ولار تۇرۋعا جارامايدى. سالدارىنان 11 وتباسى باسپاناسىز قالدى.
وسى وقيعاعا قاتىستى پەتروپاۆلدا جەرگٸلٸكتٸ اۋقىمدا تەحنوگەندٸك سيپاتتاعى تٶتەنشە جاعداي رەجيمٸ ەنگٸزٸلدٸ. بۇل دالادا قالعان وتباسىلارعا قر زاڭناماسى اياسىندا كەلتٸرٸلگەن شىعىندى قىسقا مەرزٸمدە ٶتەۋ ٷشٸن ەنگٸزٸلٸپ وتىر.
قازٸرگٸ ۋاقىتتا ٶرتتەن زارداپ شەككەندەر ۋاقىتشا باسپانادا تۇرىپ جاتىر.
تەۋەلسٸز ساراپشىلار تۇرعىندارعا كەلتٸرٸلگەن ماتەريالدىق شىعىننىڭ مٶلشەرٸن ەسەپتەپ جاتىر. سونداي-اق باسپانا يەلەرٸنە 100 اەك مٶلشەرٸندە ٶتەماقى دا بەرٸلمەك.
