قر پرەمەر-مينيسترٸ ا. ماميننٸڭ تٶراعالىعىمەن ٶتكەن ٷكٸمەت وتىرىسىندا ەلباسىنىڭ ستۋدەنت جاستاردىڭ تۇرۋ جاعدايىن جاقسارتۋ جٶنٸندەگٸ تاپسىرمالارىن ورىنداۋ بارىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر بٸلٸم جەنە عىلىم مينيسترٸ ك. شەمشيدينوۆا ەلباسىنىڭ 75 مىڭ ورىندىق جاتاقحانا سالۋ تۋرالى ٷشٸنشٸ باستاماسىن ورىنداۋ ماقساتىندا جوسپارلى جۇمىستار جٷرگٸزٸلٸپ جاتقانىن ايتتى.
ٶتكەن جىلدىڭ ٶزٸندە وقۋ ورىندارى مەن جەرگٸلٸكتٸ بيۋدجەت ەسەبٸنەن 3 مىڭنان استام ورىن ەنگٸزٸلدٸ. وسى جوباعا ينۆەستورلاردى كەڭٸنەن تارتۋ ماقساتىندا «اتامەكەن» ۇلتتىق كەسٸپكەرلەر پالاتاسىمەن بٸرگە مەملەكەتتٸك-جەكەمەنشٸك ەرٸپتەستٸك قاعيدالارىنا نەگٸزدەلگەن ارنايى تەتٸك جٷزەگە اسىرىلۋدا, قاجەتتٸ نورماتيۆتٸك-قۇقىقتىق بازا قالىپتاستىرىلىپ, قارجى كٶلەمٸ بەكٸتٸلدٸ. جاتاقحانالار قۇرىلىسىمەن اينالىساتىن كەسٸپكەرلەرگە ينجەنەرلٸك كوممۋنيكاتسييالارى دايىن جەر تەلٸمدەرٸ بەرٸلٸپ جاتىر.
«مەملەكەت بانكتٸك نەسيەنٸڭ 7%-ىن سۋبسيدييالايدى, جاتاقحانالار قۇرىلىسىنا قويىلاتىن تالاپتار جەڭٸلدەتٸلدٸ. بۇل شارالار ينۆەستورلار شىعىندارىن قىسقارتىپ, جوبالاردىڭ جالپى قۇنىن تٶمەندەتۋگە مٷمكٸندٸك بەرەدٸ», — دەپ قر بٸلٸم جەنە عىلىم مينيسترٸ, جاتاقحانا قولدانىسقا بەرٸلگەننەن كەيٸن 8 جىل قاتارىنان مەملەكەتتٸك تاپسىرىس ورنالاستىرىلاتىنىن ايتتى.
نۇر-سۇلتان قالاسىندا جاتاقحانا اقىسىن ەكٸمدٸك تاراپىنان سۋبسيدييالاۋ تەتٸگٸ ەنگٸزٸلگەن. بٷگٸنگٸ تاڭدا 19 مىڭنان استام ورىننىڭ ەنگٸزٸلۋٸن قامتاماسىز ەتەتٸن 43 جوبا ٸسكە اسىرىلىپ جاتىر. ولاردىڭ 20-سى كەسٸپكەرلەردٸڭ, 24-ٸ وقۋ ورىندارىنىڭ, ونىڭ ٸشٸندە 13-ٸ جەكە مەنشٸك وقۋ ورىندارىنىڭ باستاماسىمەن جٷزەگە اسادى.
«اتالعان جوبالار اياسىندا وسى جىلدىڭ ٶزٸندە جوسپارلانعان 5 مىڭنىڭ ورنىنا 9 196 ورىن ەنگٸزٸلەدٸ. ياعني, جوسپار 184%-عا ورىندالادى», — دەدٸ ك. شەمشيدينوۆا. ٶڭٸرلەردٸڭ اراسىندا الدىڭعى قاتاردا — نۇر-سۇلتان, شىمكەنت قالالارى مەن جامبىل وبلىسى.
ونىڭ ايتۋىنشا, مەملەكەتتٸك جوعارعى بٸلٸم وردالارىمەن سالىستىرعاندا, جەكەمەنشٸك وقۋ ورىندارىنىڭ بەلسەندٸلٸگٸ اناعۇرلىم جوعارى. مىسالى, بيىل جەكەمەنشٸك وقۋ ورىندارى 8 جاتاقحانانى ەنگٸزەتٸن بولسا, مەملەكەتتٸك وقۋ ورنىدارى نەبەرٸ 2 جاتاقحانانى ەنگٸزبەك.
«ٶڭٸرلەردە جاتاقحانالار قۇرىلىسىن كەڭٸنەن تاراتۋ ماقساتىندا ينۆەستورلارمەن كەزدەسۋلەر ٶتكٸزٸلەدٸ, جوبانىڭ ارنايى سايتى ٸسكە قوسىلدى. بيىلعى مامىر–قىركٷيەك ايلارىندا ينۆەستورلاردى كەڭٸنەن تارتۋ ٷشٸن ٷزدٸك جوبالار اكتسيياسى ٶتكٸزٸلەتٸن بولادى.
اعىمداعى جىلدىڭ كٶرسەتكٸشٸنە قول جەتكٸزۋ ٷشٸن بٸرقاتار جۇمىس اتقارىلدى. دەگەنمەن كەلەسٸ جىلدىڭ جوسپارىنىڭ ورىندالۋى الاڭداتىپ وتىر. وسىعان وراي كەلەسٸ شارالاردى جٷزەگە اسىرۋعا قولداۋ كٶرسەتۋدٸ سۇرايمىز. بٸرٸنشٸ - ٶڭٸرلەردە بارلىق وقۋ ورىندارى كٶرسەتٸلگەن جاتاقحانا سالۋدىڭ تولىق كەستەسٸن بەكٸتۋ. ەكٸنشٸ - قىمبات تۇراتىن جوبالىق-سمەتالىق قۇجاتتاردى ەزٸرلەۋدٸ توقتاتۋ. ٷشٸنشٸ - جەر مەسەلەسٸن وڭتايلى شەشۋ ماقساتىندا مەملەكەتتٸك جوعارى وقۋ ورىندارىن كوممەرتسييالىق ەمەس اكتسيونەرلٸك قوعام ەتٸپ قايتا ۇيىمداستىرۋ جۇمىسىن جەدەلدەتۋ. تٶرتٸنشٸدەن, وسى جوبانى ٸسكە اسىرۋ بارىسىندا سەيسميكاعا قاتىستى مەسەلەلەر كٶتەرٸلدٸ. وسىعان بايلانىستى نورماتيۆكە سەيسميكانى ەسكەرەتٸن كوەفيتسيەنتتٸ قاراستىرۋ», - دەدٸ مينيستر», — دەدٸ بٸلٸم جەنە عىلىم مينيسترٸ.
ٶڭٸرلەردە اتقارىلىپ جاتقان جۇمىستار تۋرالى جامبىل وبلىسىنىڭ ەكٸمٸ ا. مىرزاحمەتوۆ پەن شىمكەنت قالاسىنىڭ ەكٸمٸ ع. ەبدٸراحىموۆ باياندادى.
ٶز كەزەگٸندە, قر پرەمەر-مينيسترٸنٸڭ ورىنباسارى گ. ەبدٸقالىقوۆا جاتاقحانالاردى ۋاقىتىلى ەنگٸزۋ جەنە ستۋدەنتتەر ٷشٸن قولايلى تۇرۋ جاعدايىن قامتاماسىز ەتۋ ۇزاقمەرزٸمدٸ مٸندەت ەكەنٸن اتاپ ٶتتٸ.
