ٶزبەكستاننىڭ سۋرحاندارييا وبلىسىندا كەلٸنشەكتٸ بەس ايلىق سەبيٸمەن بٸرگە بٸرنەشە اي بويى مال قوراسىندا زاڭسىز ۇستاپ, ازاپتاعان وتباسى مٷشەلەرٸنە سوت ٷكٸمٸ شىقتى, دەپ حابارلايدى ult.kz.
وقيعا 2025 جىلدىڭ تامىز ايىندا ۇزىن اۋدانىندا بولعان. تەرگەۋ مەلٸمەتٸنشە, ەر ادام جٷكتٸ ەيەلدٸ ٷيٸنە بٸرگە تۇرۋ ٷشٸن الىپ كەلگەن. ول كەزدە كەلٸنشەك جٷكتٸلٸكتٸڭ التىنشى ايىندا بولعان. الايدا ەر ادام وعان رەسمي تٷردە ٷيلەنبەي, تۋىستارىمەن بٸرگە ەيەلدٸ مال قوراسىنا قاماپ, بوستاندىعىنان ايىرعان.
ٸس ماتەريالدارىنا سەيكەس, جەبٸرلەنۋشٸنٸڭ سٶيلەۋ قابٸلەتٸندە اقاۋ بولعاندىقتان, ول ەشكٸمنەن كٶمەك سۇراي الماعان. قورانىڭ ەسٸگٸ سىرتىنان سىممەن بايلانىپ, ەيەل كەيدە قول-اياعى بايلاۋلى كٷيدە ۇستالعان. وعان ٷنەمٸ كٷش كٶرسەتٸلٸپ, دۇرىس تاماق بەرٸلمەگەندٸكتەن, قاربىز قابىعى مەن مال ازىعىن جەپ جان ساقتاۋعا مەجبٷر بولعان.
ەيەل دەل سول قورادا مەديتسينالىق كٶمەكسٸز بوسانىپ, سەبيٸن دٷنيەگە ەكەلگەن. الايدا ارادا ەكٸ كٷن ٶتكەندە نەرەستەنٸ اناسىنان تارتىپ الىپ, كەلٸنشەكتٸ قايتادان قوراعا قاماپ قويعان. كەيٸن كٶرشٸلەردٸڭ كٷدٸگٸ نەگٸزٸندە قۇقىق قورعاۋ ورگاندارى ارالاسىپ, ەيەل قۇتقارىلعان.
بۇل ٸس بويىنشا كٷيەۋٸ, ونىڭ اناسى جەنە تاعى ەكٸ تۋىسى سوت الدىندا جاۋاپ بەردٸ. سوت شەشٸمٸمەن نەگٸزگٸ ايىپتالۋشى 13 جىلعا باس بوستاندىعىنان ايىرىلدى. تاعى ەكٸ ەيەل 9 جىلدان باس بوستاندىعىنان ايىرىلسا, ەنەسٸ 5 جىلعا باس بوستاندىعىن شەكتەۋ جازاسىنا كەسٸلدٸ. ولار زاڭسىز باس بوستاندىعىنان ايىرۋ, وتباسىلىق زورلىق-زومبىلىق, ادام ساۋداسىنا وقتالۋ جەنە ٶزگە دە اۋىر قىلمىستار بويىنشا كٸنەلٸ دەپ تانىلدى.
