رەسەيدٸڭ قىرىم تٷبەگٸن اننەكسييالاپ العانىن سىناپ, قىرىم تاتار بەلسەندٸلەرٸنٸڭ قۋعىندالۋىنا قارسىلىق تانىتقان دامير مۇحاماداەۆ رەسەيدەن كەتتٸ. كالينيگراد قالاسىندا تۇرعان بەلسەندٸ 6 قاراشادا ازات ەۋروپا/ازاتتىق تٸلشٸسٸنە ٶزٸ مەن وتباسىنىڭ قاۋٸپسٸزدٸگٸنە الاڭداعاندىقتان باسقا جاققا كەتۋگە مەجبٷر بولعانىن ايتتى.
مۇحاماداەۆ - قىرىم اننەكسيياسىنا قارسى شەرۋگە قاتىسقان ازاماتتاردىڭ بٸرٸ. ول رەسەي بيلٸگٸنٸڭ قىرىم تاتار بەلسەندٸلەرٸن قۋدالاۋىن دا سىناپ, پيكەت ٶتكٸزگەن. 2016 جىلى بەلگٸسٸز بٸرەۋلەر ونى ۇستاپ, ۇرىپ-سوققان. ول بۇعان دەيٸن ازاتتىق تٸلشٸسٸنە كٷشتٸك قۇرىلىمداردىڭ ٶزٸن ينفورماتور بولۋعا ٷگٸتتەگەنٸن, ەگەر كەلٸسپەسە تٷرمەگە جابامىز دەپ قورقىتقانىن دا ايتقان.
ول ازاتتىق تٸلشٸسٸنە بەرگەن سۇحباتىندا قاۋٸپسٸزدٸك ماقساتىندا ناقتى قاي ەلگە كەتكەنٸن ايتا المايتىنىن جەتكٸزدٸ.
رەسەي 2014 جىلى ناۋرىز ايىندا ۋكراينانىڭ قىرىم تٷبەگٸن اننەكسييالاپ الدى جەنە ۋكراينانىڭ شىعىسىندا سەپاراتيستەرگە قولداۋ كٶرسەتتٸ. 2014 جىلدىڭ سەۋٸر ايىنان بەرٸ ۋكراينا شىعىسىنداعى قاقتىعىستان 13 مىڭنان استام ادام ٶلگەن.
