Reseidiń Qyrym túbegin anneksiialap alǵanyn synap, Qyrym tatar belsendileriniń qýǵyndalýyna qarsylyq tanytqan Damir Muhamadaev Reseiden ketti. Kalinigrad qalasynda turǵan belsendi 6 qarashada Azat Eýropa/Azattyq tilshisine ózi men otbasynyń qaýipsizdigine alańdaǵandyqtan basqa jaqqa ketýge májbúr bolǵanyn aitty.
Muhamadaev - Qyrym anneksiiasyna qarsy sherýge qatysqan azamattardyń biri. Ol Resei biliginiń Qyrym tatar belsendilerin qýdalaýyn da synap, piket ótkizgen. 2016 jyly belgisiz bireýler ony ustap, uryp-soqqan. Ol buǵan deiin Azattyq tilshisine kúshtik qurylymdardyń ózin informator bolýǵa úgittegenin, eger kelispese túrmege jabamyz dep qorqytqanyn da aitqan.
Ol Azattyq tilshisine bergen suhbatynda qaýipsizdik maqsatynda naqty qai elge ketkenin aita almaitynyn jetkizdi.
Resei 2014 jyly naýryz aiynda Ýkrainanyń Qyrym túbegin anneksiialap aldy jáne Ýkrainanyń shyǵysynda separatisterge qoldaý kórsetti. 2014 jyldyń sáýir aiynan beri Ýkraina shyǵysyndaǵy qaqtyǵystan 13 myńnan astam adam ólgen.
