كۋبا كوروناۆيرۋسقا قارسى ۆاكتسينانى ەكٸ جاستان باستاپ بالالارعا سالۋعا رۇقسات بەردٸ. وسىلايشا ەلەمدە سەبيلەرگە Covid'كە قارسى ەكپە ەگۋگە رۇقسات بەرگەن العاشقى مەملەكەت اتاندى. ال ەۋروپانىڭ دەرٸ-دەرمەك اگەنتتٸگٸ (EMA) ۆاكتسينانىڭ تولىق دوزاسىن العاندارعا پرەپاراتتىڭ تيٸمدٸلٸگٸن ارتتىراتىن قوسىمشا دوزا سالۋ مەسەلەسٸن قاراستىرىپ جاتىر.
6 قىركٷيەكتە كۋبادا ەكٸ جاستان باستاپ بالالارعا دٷنيەجٷزٸلٸك دەنساۋلىق ساقتاۋ ۇيىمى (ددسۇ) ماقۇلداماعان كوروناۆيرۋسقا قارسى ۆاكتسينا سالىنا باستادى. ونىڭ الدىندا كۋبا كەمەلەتكە تولماعانداردىڭ قاتىسۋىمەن ٶزٸنٸڭ ەكٸ ۆاكتسيناسىن كلينيكالىق سىناقتان ٶتكٸزۋدٸ اياقتاعان. ٶتكەن اپتادا ەلدە 12 جاستان باستاپ بالالار مەن جاسٶسپٸرٸمدەرگە ۆاكتسينا ەگٸلە باستادى.
كۋبادان بٶلەك ەلەم بويىنشا بٸرنەشە مەملەكەتتە 12 جاستان باستاپ بالالارعا ۆاكتسينا سالىنىپ جاتىر. كەيبٸر ەلدەردە ودان دا كٸشٸ بالالار كلينيكالىق سىناققا قاتىسىپ وتىر.
ال ەۋروپانىڭ دەرٸ-دەرمەك اگەنتتٸگٸ (EMA) 16 جاسقا تولعان نەمەسە ودان دا ٷلكەن, ۆاكتسينانىڭ تولىق دوزاسىن العاندارعا دەرٸنٸڭ تيٸمدٸلٸگٸن ارتتىراتىن قوسىمشا دوزا سالۋ مەسەلەسٸن زەرتتەۋگە كٸرٸسكەن. كلينيكالىق سىناققا يممۋندىق جٷيەسٸ قالىپتى 300 ەرەسەك ادام قاتىسىپ جاتىر. ولار شامامەن التى اي بۇرىن Pfizer/BioNTech'تٸڭ ەكٸنشٸ دوزاسىن العان. ٶتكەن اپتادا EMA قوسىمشا دوزا سالۋ سونشالىقتى شۇعىل شارۋا ەمەس, الايدا دەرٸ-دەرمەك ٶندٸرۋشٸلەردەن ٶتٸنٸش تٷسكەندٸكتەن مەلمەتتەردٸ جەدەل ساراپتاۋدى جٶن كٶردٸك دەپ مەلٸمدەگەن.
