سىبايلاس جەمقورلىق بويىنشا ايىپتالىپ وتىرعان بۇرىنعى مينيستر قۋاندىق بيشٸمباەۆتى تۇتقىندا ۇستاۋ مەرزٸمٸ ۇزارتىلدى, دەپ حابارلايدى قازاقپارات استانا سوتىنىڭ باسپاسٶز قىزمەتٸنە سٸلتەمە جاساپ.
«بيشٸمباەۆقا قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى 10 سەۋٸرگە دەيٸن ۇزارتىلدى»,-دەپ اتاپ ٶتٸلگەن استانالىق سوت مەلٸمەتٸندە.
بۇدان بۇرىن حابارلانعانداي, «بەيتەرەك ۇبح» اق باسقارماسىنىڭ بۇرىنعى تٶراعاسى قۋاندىق بيشٸمباەۆقا قاتىستى قىلمىستى تەرگەۋ امالدارى جٷرٸپ جاتىر. سىبايلاس جەمقورلىققا قارسى كٷرەس ۇلتتىق بيۋروسى حابارلاعانداي, ول بٸر توپ اداممەن الدىن الا كەلٸسٸپ, بٸرنەشە رەت ٸرٸ كٶلەمدە پارا الدى دەپ ايىپتالۋدا.
بيشٸمباەۆ قىزىلوردا قالاسىندا تاباق شىنى شىعاراتىن جەنە ٶڭدەيتٸن زاۋىت سالۋ كەزٸندە «Orda Glass» جشس-نىڭ ۆەدومستۆولىق باعىنىستاعى كومپانيياسى مەن ونىڭ مەردٸگەرلٸك ۇيىمى «شىمكەنتحيممونتاج» جشس ارقىلى 1 ملرد تەڭگە جىمقىرۋ قىلمىستىق سحەماسىن ۇيىمداستىرعان دەگەن كٷدٸككە ٸلٸندٸ. وسى ورايدا ول اتالعان سومانىڭ 2 ملن اقش دوللارىن ٶزٸنە العاندىعى تەكسەرٸلۋدە.
بيىلعى 10 قاڭتاردا سىبايلاس جەمقورلىققا قارسى كٷرەس ۇلتتىق بيۋروسى بۇرىنعى قر ۇلتتىق ەكونوميكا مينيسترٸ قۋاندىق بيشٸمباەۆتى ۇستاعاندىعى حابارلانعان بولاتىن.
ٷش كٷننەن كەيٸن ەكس-مينيستر ەكٸ ايعا تۇتقىندالعاندىعى تۋرالى اقپارات تارادى.
