كٶكشەتاۋدا جٷرگٸزۋشٸ كۋەلٸگٸ جوق ەيەل كٶلٸكپەن جاياۋ جٷرگٸنشٸنٸ قاعىپ, ونىڭ ٶلٸمٸنە سەبەپكەر بولعانى ٷشٸن 2 جىل 6 ايعا سوتتالدى. الايدا سوت ونىڭ ەكٸ كەمەلەتكە تولماعان بالاسى بار ەكەنٸن ەسكەرٸپ, جازانى ٶتەۋ مەرزٸمٸن ٷش جىلعا كەيٸنگە قالدىردى, دەپ حابارلايدى ult.kz.
قايعىلى وقيعا مامىر ايىندا تۇرعىن ٷي اۋلالارىنىڭ بٸرٸندە بولعان. تەرگەۋ مەلٸمەتٸنشە, ەيەل كٶلٸكپەن اۋلاعا بۇرىلىپ كەلە جاتىپ جاياۋ جٷرگٸنشٸنٸ قاعىپ كەتكەن. اۋىر جاراقات العان 52 جاستاعى ەيەل كەيٸن اۋرۋحانادا كٶز جۇمدى. بەلگٸلٸ بولعانداي, مارقۇم 12 جاستاعى قىزىن جالعىز تەربيەلەپ كەلگەن.
سوت بارىسىندا ايىپتالۋشى كٸنەسٸن تولىق مويىندادى. ونىڭ ايتۋىنشا, كٷيەۋٸنٸڭ دەنساۋلىعىنا بايلانىستى جەنە ونىڭ رۇقساتىمەن كٶلٸك تٸزگٸنٸنە وتىرعان. الايدا ونىڭ جٷرگٸزۋشٸ كۋەلٸگٸ بولماعان.
سوت ٷكٸم شىعارعاندا ايىپتالۋشىنىڭ بۇرىن سوتتالماعانىن, ەكٸمشٸلٸك جاۋاپكەرشٸلٸككە تارتىلماعانىن, جاساعان ٸسٸنە ٶكٸنگەنٸن جەنە مورالدىق شىعىندى ٶتەگەنٸن نازارعا الدى. سونداي-اق مارقۇمنىڭ تۋىستارى دا ونى باس بوستاندىعىنان ايىرماۋدى سۇراعان.
بۇدان بٶلەك, جٷرگٸزۋشٸ كۋەلٸگٸ جوق ادامعا كٶلٸك باسقارۋعا رۇقسات بەرگەنٸ ٷشٸن سوتتالۋشىنىڭ جۇبايىنا قاتىستى دا تەرگەۋ جٷرگٸزٸلٸپ جاتىر.
