بيزنەسمەن قايرات قۇدايبەرگەن الماتىدا دەنيس تەندٸ ٶلتٸردٸ دەگەن كٷدٸكتٸنٸ كٶرٸپ, ەر ادامدى سيپاتتاپ بەردٸ, - دەپ حابارلايدى Tengrinews.kz تٸلشٸسٸ.
"بٷگٸن 11.30-دا دوسىمدى ەرتٸپ, دەنيس تەنگە شابۋىل جاسالعان جەرگە گٷل قويۋ ٷشٸن كەلدٸم. دۇعا وقىپ, بٸر مينۋت ٷنسٸزدٸك ساقتاعاننان كەيٸن قايتۋعا بەل بۋدىق, وسى كەزدە كٶپتەگەن پوليتسەي مەن پروكۋرورلىڭ دەنيستٸ ٶلتٸرگەن ەر ادامدى الىپ بارا جاتقانىن كٶردٸك", - دەپ جازدى ول Instagram جەلٸسٸندە.
ول قىلمىس ورنىنا گٷل قويۋ ٷشٸن كەلگەن ادامداردىڭ كٷدٸكتٸگە ايعايلاپ, قارعاپ-سٸلەگەنٸن ايتتى.
"قانىپەزەر ا4 فورماتىنداعى قاعازبەن بەتٸن جاۋىپ, جىلاپ بارا جاتتى... تەرگەۋشٸ وقيعانىڭ قالاي بولعانىن سۇراپ جاتتى, قانىپەزەر جاۋاپ بەردٸ, ٷندەگٸسٸ كەلمەگەندەي. ميليتسييادا جۇمىس ٸستەگەندە ناعىز باسكەسەرلەر مەن رەتسيديۆيستەردٸ كٶرگەنمٸن. بۇل جٸگٸت بولسا اپ-ارىق, ۇساق ۇرى. قولىنا پىشاق العاندا ويىندا نە بولعانىن بٸلمەيمٸن, بٸراق دارىندى ادامدى ٶلتٸرۋدٸ ويلاماعانى انىق. بٸراق قىلمىس جاسالدى جەنە ول قاتاڭ جازالانۋى تيٸس", - دەدٸ قايرات قۇدايبەرگەن.
ەسكە سالايىق, كەشە, 19 شٸلدەدە الماتىدا بەلگٸسٸز بٸرەۋلەر دەنيس تەندٸ پىشاقتاپ كەتكەن بولاتىن. وقيعا شامامەن 15.00-دە قۇرمانعازى مەن بايسەيٸتوۆا كٶشەلەرٸنٸڭ قيىلىسىندا بولعان. كەيٸن قالالىق ٸٸد ٶكٸلدەرٸ دەنيس تەنگە اۆتوۇرىلار شابۋىل جاساعانىن مەلٸمدەدٸ. سٶيتسەك, سپورتشى ۇرىلاردىڭ ٷستٸنەن تٷسكەن بولىپ شىقتى. جانجال كەزٸندە سپورتشىنىڭ اياعىنا پىشاق تيٸپ, كٶپ قان جوعالتقان. ول اۋرۋحانادا كٶز جۇمدى.
