«قازاقستان تەمٸر جولى» ۇلتتىق كومپانيياسى الماتى وبلىسىنداعى شامالعان ستانساسىندا جولاۋشىلار اۆتوبۋسىمەن پويىزدىڭ سوقتىعىسۋى تۋرالى تولىققاندى اقپارات بەردٸ, دەپ حابارلايدى "ۇلت اقپارات".
«2019 جىلدىڭ 15 قىركٷيەك كٷنٸ 19 ساعات 08 مينۋتتا الماتى جول بٶلٸمشەسٸنٸڭ «اقسەڭگٸر – شامالعان» ۋچاسكەسٸندە №43 «الماتى-قوستاناي» جولاۋشىلار پويىزى (جەكە تاسىمالداۋشى «تۋركسيب-استانا» جشس) اۆتوبۋسپەن سوقتىعىستى. وقيعا 4028 شاقىرىمدا ورنالاسقان كٷزەتٸلەتٸن-رەتتەلەتٸن ٶتپەدە بولدى. №43 جولاۋشىلار پويىزى ٶتكەلگە جاقىنداعاندا سيگنال بەرۋ قۇرىلعىلارى اۆتوماتتى تٷردە ٸسكە قوسىلدى. دىبىستىق سيگنال قوسىلدى, ٶتۋ باعدارشامدارىنىڭ قىزىل شىراعى جاندى. شلاگباۋم ٶتكەلدە تۇرعان اۆتوكٶلٸكتٸڭ سالدارىنان سوڭىنا دەيٸن تٷسپەگەن«, - دەپ حابارلادى ۇلتتىق كومپانييانىڭ باسپاسٶز قىزمەتٸ.
قتج-دا اتاپ ٶتكەندەي, ٶتكەل كەزەكشٸسٸ جولاۋشىلار پويىزىن توقتاتۋ ٷشٸن توسقاۋىل باعدارشامىن ٸسكە قوسۋ بويىنشا شارالار قابىلداعان.
«№43 جولاۋشىلار پويىزىنىڭ ماشينيسٸ شۇعىل تەجەۋدٸ قولداندى, بٸراق از قاشىقتىقتان سوقتىعىسۋدىڭ الدىن الا المادى. سوقتىعىسۋ كەزٸندە اۆتوبۋس جول جيەگٸنە شىعىپ كەتتٸ. بٸراق, KZ4AC-0010 ەلەكتروۆوزى رەلستەن شىعىپ كەتپەي, بٷلٸنگەن. زارداپ شەككەندەر بار, سانى ناقتىلانۋدا. №43 پويىز ەلەكتروۆوزدى اۋىستىرعاننان كەيٸن 01 ساعات 38 مينۋتقا كەشٸگٸپ جولعا شىقتى, پويىز جولاۋشىلارى اراسىندا زارداپ شەككەندەر جوق», - دەپ اتاپ ٶتتٸ قتج.
بۇل جاعدايدى تەكسەرۋ ٷشٸن »قتج«ۇك» اق-دا ارنايى كوميسسيياسى قۇرىلدى.
ەستەرٸڭٸزگە سالا كەتەيٸك, بٷگٸن شامالعان ستانتسيياسىندا پويىز بەن اۆتوبۋس سوقتىعىستى. الدىن الا بولجام بويىنشا, اۆتوبۋس تەمٸر جولدىڭ رەلسٸنە شىعىپ كەتكەن.
وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸندە جاتىر. ونىڭ ەكەۋٸ بالا.
قازٸر اتالعان فاكتٸ بويىنشا قر قك 345-بابىنىڭ 3-تارماعى بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا ٶز باقىلاۋىنا الدى.
