فوتو: اشىق دەرەككٶز
استانادا ەكس-شەنەۋنٸك ەرجان باباقۇماروۆتىڭ ٶلٸمٸنە ەكٸ رەت سوتتالعان ەر ادام كٷدٸكتٸ رەتٸندە ۇستالدى, دەپ حابارلايدى Ult.kz.
Kozachkov offside Telegram ارناسىنىڭ حابارلاۋىنشا, استانادا قازا تاپقان بۇرىنعى مەملەكەتتٸك قىزمەتكەر ەرجان باباقۇماروۆتىڭ ٶلٸمٸنە بايلانىستى ەكٸ رەت سوتتالعان 36 جاستاعى ەربول قاۋكەتاي ەسٸمدٸ ازامات كٷدٸككە ٸلٸندٸ.
29 قازان كٷنٸ ساعات 23:00 شاماسىندا ەلورداداعى «ميللەنيۋم» تۇرعىن ٷي كەشەنٸنە جەدەل جەردەم شاقىرىلعان. حابارلاسقان ەر ادام تانىسىنىڭ جاعدايى ناشارلاعانىن ايتقان. وقيعا ورنىنا كەلگەن دەرٸگەرلەر ەر ادامنىڭ كٶز جۇمعانىن انىقتاعان. كەيٸن مارقۇمنىڭ كٸم ەكەنٸ بەلگٸلٸ بولىپ, ونىڭ بۇرىن الماتى قالاسى ەكٸمٸنٸڭ ورىنباسارى قىزمەتٸن اتقارعان ەرجان باباقۇماروۆ ەكەنٸ راستالدى.
تەرگەۋ مەلٸمەتٸنشە, كٷدٸكتٸ ەربول قاۋكەتاي بۇعان دەيٸن دە زورلىق-زومبىلىق ەرەكەتتەرٸ ٷشٸن ەكٸ رەت سوتتالعان. 2010 جىلى ول قاساقانا اۋىر جاراقات كەلتٸرگەنٸ ٷشٸن جاۋاپقا تارتىلعان. ال 2025 جىلى ورتاشا اۋىرلىقتاعى دەنە جاراقاتىن سالعانى ٷشٸن 300 ساعات قوعامدىق جۇمىسقا مٸندەتتەلگەن.
باباقۇماروۆپەن ول 25 قازاندا تانىسقان. قاۋكەتاي ينتەرنەت ارقىلى كروسسوۆكا ساتقان, ال ساتىپ الۋشى ٶزٸن «اليحان» دەپ تانىستىرىپ, اقشانىڭ بٸر بٶلٸگٸن عانا تٶلەگەن. كەيٸن ەكەۋٸ قايتا كەزدەسٸپ, بٸرگە ٸشٸمدٸك ٸشكەن.
پوليتسييا دەرەگٸنشە, سول تٷنٸ پەتەردە ەكەۋٸنٸڭ اراسىندا تٶبەلەس بولىپ, قاۋكەتاي باباقۇماروۆتى بٸرنەشە رەت ۇرعان. مارقۇم جەرگە قۇلاپ, جٷرەگٸن ۇستاپ قالعان. كٷدٸكتٸ دەرەۋ اناسىمەن بايلانىسىپ, جەدەل جەردەم شاقىرعان. الايدا دەرٸگەرلەر ونىڭ ٶمٸرٸن ساقتاپ قالا المادى.
قازٸر ەربول قاۋكەتاي قاماۋعا الىندى. تەكسەرۋ بارىسىندا ونىڭ ٸس-ەرەكەتٸ قاساقانا اۋىر دەنە جاراقاتىن كەلتٸرۋ نەمەسە ابايسىزدا ادام ٶلٸمٸنە سەبەپ بولۋ بابىمەن سارالانۋى مٷمكٸن.
ەسكە سالا كەتەيٸك, ەرجان باباقۇماروۆ 2022 جىلعى قاڭتار وقيعالارى كەزٸندە الماتى قالاسى ەكٸمٸنٸڭ ورىنباسارى قىزمەتٸن اتقارعان. كەيٸن ول مەملەكەتتٸك قىزمەتتەن كەتكەن. 2025 جىلدىڭ باسىندا باباقۇماروۆ ماس كٷيٸندە كٶلٸك جٷرگٸزگەنٸ ٷشٸن 15 تەۋلٸككە قامالىپ, جٷرگٸزۋشٸ كۋەلٸگٸنەن جەتٸ جىلعا ايىرىلعان بولاتىن.
