ۋكراينانىڭ دونەتسك وبلىسى كراماتورسك قالاسىنداعى ۆوكزالعا جۇما كٷنٸ زىمىرانمەن سوققى جاسالدى.
شابۋىلدان كەمٸ 50 ادام مەرت بولدى, ونىڭ ٸشٸندە بەس بالا بار. بۇل تۋرالى وبلىس گۋبەرناتورى پاۆەل كيريلەنكو حابارلادى, دەپ جازادى ازاتتىق.
ونىڭ سٶزٸنشە, مارقۇمداردىڭ سانى ٶزگەرۋٸ مٷمكٸن. 98 ادام جاراقات العان. ولاردىڭ اراسىندا 16 بالا بار.
گۋبەرناتور 38 ادامنىڭ وقيعا ورنىندا مەرت بولعانىن, 12 ادامنىڭ اۋرۋحانادا كٶز جۇمعانىن مەلٸمدەدٸ.
كراماتورسك قالاسى قازٸر ۋكراينا باقىلاۋىندا. كيريلەنكونىڭ ايتۋىنشا, زىمىران شابۋىلى جاسالعان كەزدە ۆوكزالدا مىڭداعان ادام ەۆاكۋاتسييالاۋدى كٷتٸپ وتىرعان.
كيريلەنكو باستاپقىدا شابۋىل رەسەيدٸڭ "يسكاندەر" راكەتاسىنان جاسالدى دەپ مەلٸمدەگەن. الايدا زىمىران بٶلشەكتەرٸنە قاراعاندا, سوققى "توچكە-ۋ" زىمىرانىمەن جاسالعان.
ۋكراينا پرەزيدەنتٸ ۆلاديمير زەلەنسكيي "توچكە-ۋ" جٶنٸندە اقپاراتتى راستاپ, رەسەي ەسكەرٸن ايىپتادى.
ال ٶزٸن رەسپۋبليكا دەپ جارييالاعان "دونەتسك حالىق رەسپۋبليكاسىنىڭ" اۋماقتىق قورعانىس شتابى شابۋىلدى ۋكراينا ەسكەرٸ جاسادى دەپ مەلٸمدەدٸ. رەسەي قورعانىس مينيسترلٸگٸ ۋكراينانى ارانداتىپ وتىر دەپ كٸنەلاپ, "8 سەۋٸردە كراماتورسك قالاسىنا رەسەي قارۋلى كٷشتەرٸ سوققى جاساۋدى جوسپارلاماعانىن ايتتى". ولار "توچكا-ۋ" زىمىرانىن تەك ۋكراينا ەسكەرٸ قولدانادى دەدٸ.
الايدا Conflict Intelligence Team ساراپشىلار توبى بۇعان دەيٸن رەسەي جاعى "توچكا-ۋ" ٶزٸندە جوق دەپ مەلٸمدەسە دە, ونى وسى سوعىستا قولدانعانىن انىقتاعان.
كەيٸنگٸ ۋاقىتتا رەسەي كيەۆ جەنە چەرنيگوۆ وبلىسىنان شەگٸنٸپ, دونباسس جەنە لۋگانسك وبلىستارىنا قاراي جىلجىعان. ۋكراينا تارابى رەسەي دونباسقا شابۋىلدى كٷشەيتپەك دەپ حالىقتى ايماقتان كەتۋگە شاقىرعان ەدٸ. وسىدان سوڭ بەيبٸت تۇرعىندار دونباستان باسقا جاققا كەتە باستاعان. كراماتورسك ۆوكزالى – بەيبٸت تۇرعىنداردى ەۆاۋاتسييالاۋعا ارنالعان نەگٸزگٸ ورىنداردىڭ بٸرٸ.
