Ýkrainanyń Donetsk oblysy Kramatorsk qalasyndaǵy vokzalǵa juma kúni zymyranmen soqqy jasaldy.
Shabýyldan kemi 50 adam mert boldy, onyń ishinde bes bala bar. Bul týraly oblys gýbernatory Pavel Kirilenko habarlady, dep jazady Azattyq.
Onyń sózinshe, marqumdardyń sany ózgerýi múmkin. 98 adam jaraqat alǵan. Olardyń arasynda 16 bala bar.
Gýbernator 38 adamnyń oqiǵa ornynda mert bolǵanyn, 12 adamnyń aýrýhanada kóz jumǵanyn málimdedi.
Kramatorsk qalasy qazir Ýkraina baqylaýynda. Kirilenkonyń aitýynsha, zymyran shabýyly jasalǵan kezde vokzalda myńdaǵan adam evakýatsiialaýdy kútip otyrǵan.
Kirilenko bastapqyda shabýyl Reseidiń "Iskander" raketasynan jasaldy dep málimdegen. Alaida zymyran bólshekterine qaraǵanda, soqqy "Tochke-Ý" zymyranymen jasalǵan.
Ýkraina prezidenti Vladimir Zelenskii "Tochke-Ý" jóninde aqparatty rastap, Resei áskerin aiyptady.
Al ózin respýblika dep jariialaǵan "Donetsk halyq respýblikasynyń" aýmaqtyq qorǵanys shtaby shabýyldy Ýkraina áskeri jasady dep málimdedi. Resei qorǵanys ministrligi Ýkrainany arandatyp otyr dep kinálap, "8 sáýirde Kramatorsk qalasyna Resei qarýly kúshteri soqqy jasaýdy josparlamaǵanyn aitty". Olar "Tochka-Ý" zymyranyn tek Ýkraina áskeri qoldanady dedi.
Alaida Conflict Intelligence Team sarapshylar toby buǵan deiin Resei jaǵy "Tochka-Ý" ózinde joq dep málimdese de, ony osy soǵysta qoldanǵanyn anyqtaǵan.
Keiingi ýaqytta Resei Kiev jáne Chernigov oblysynan sheginip, Donbass jáne Lýgansk oblystaryna qarai jyljyǵan. Ýkraina taraby Resei Donbasqa shabýyldy kúsheitpek dep halyqty aimaqtan ketýge shaqyrǵan edi. Osydan soń beibit turǵyndar Donbastan basqa jaqqa kete bastaǵan. Kramatorsk vokzaly – beibit turǵyndardy evaýatsiialaýǵa arnalǵan negizgi oryndardyń biri.
