بٷگٸن پارلامەنت سەناتىنىڭ جالپى وتىرىسىندا قر جوعارعى سوتىنىڭ سۋديالارىن سايلاۋ جەنە قىزمەتٸنەن بوساتۋ مەسەلەسٸ قارالدى, دەپ حابارلايدى "ۇلت اقپارات".
اتاپ ايتقاندا, سەكەن ابدوللانى جەنە مەدەنيەت جاقانقىزى وماربەكوۆانى جوعارعى سوتتىڭ سۋديالارى قىزمەتتەرٸنە سايلاۋ, سونداي-اق گاحارمان بازاربەكۇلى دٷيسەنباەۆتى ورنىنان تٷسۋٸنە بايلانىستى جوعارعى سوتتىڭ سۋدياسى قىزمەتٸنەن بوساتۋ ۇسىنىمى ەنگٸزٸلدٸ. تالقىلاۋ بارىسىندا پالاتا دەپۋتاتتارى وسى ۇسىنىمدارعا قولداۋ بٸلدٸردٸ.
ابدوللا سەكەن, 1964 جىلى تۋعان, جوعارى زاڭ بٸلٸمٸ بار. زاڭ عىلىمدارىنىڭ كانديداتى. زاڭگەر ماماندىعى بويىنشا ٶزٸنٸڭ ەڭبەك جولىن 1986 جىلى وڭتٷستٸك قازاقستان وبلىسىنىڭ پروكۋراتۋرا ورگاندارىندا باستادى. 1992 جىلدان باستاپ وڭتٷستٸك قازاقستان وبلىسى ەدٸلەت باسقارماسى باستىعىنىڭ ورىنباسارى بولىپ جۇمىس ٸستەدٸ. 1993 جىلى وڭتٷستٸك قازاقستان وبلىستىق سوتىنىڭ سۋدياسى بولىپ سايلاندى. 1996 - 1999 جىلدارى وڭتٷستٸك قازاقستان وبلىسى ەدٸلەت باسقارماسىنىڭ باستىعى بولدى.
1999 - 2002 جىلدارى الماتى قالاسى ەدٸلەت باسقارماسىنىڭ باستىعى. 2002 - 2003 جىلدارى قازاقستان رەسپۋبليكاسى ەدٸلەت مينيسترلٸگٸ سوت ساراپتاماسى ورتالىعىنىڭ ديرەكتورى بولىپ جۇمىس ٸستەدٸ. 2003 جىلى جوعارعى سوت اپپاراتىنىڭ باسشىسى بولىپ تاعايىندالدى. 2004 جىلدان باستاپ جوعارعى سوت سۋدياسى. 2007 جىلدان باستاپ ماڭعىستاۋ وبلىستىق سوتىنىڭ تٶراعاسى. 2011 جىلدان باستاپ نۇر-سۇلتان قالاسى سوتىنىڭ تٶراعاسى. 2013 جىلى قازاقستان رەسپۋبليكاسى ەسكەري سوتىنىڭ تٶراعاسى بولىپ تاعايىندالعان. 2018 جىلعى جەلتوقساننان باستاپ قازٸرگٸ ۋاقىتقا دەيٸن اقتٶبە وبلىستىق سوتىنىڭ تٶراعاسى. سۋديالىق جۇمىس ٶتٸلٸ 19 جىل.
وماربەكوۆا مەدەنيەت جاقانقىزى 1965 جىلى تۋعان, جوعارى زاڭ بٸلٸمٸ بار. زاڭ عىلىمدارىنىڭ كانديداتى. زاڭگەر ماماندىعى بويىنشا ٶزٸنٸڭ ەڭبەك جولىن 1988 جىلى قاراعاندى قالاسى سوۆەت اۋداندىق سوتىنىڭ سوت وتىرىسىنىڭ حاتشىسى بولىپ باستادى. 1990 جىلدان باستاپ قاراعاندى قالاسى سوۆەت اۋداندىق سوتىنىڭ سوت ورىنداۋشىسى بولىپ جۇمىس ٸستەدٸ. 1992 جىلدان باستاپ قاراعاندى قالاسى سوۆەت اۋداندىق سوتى تٶراعاسىنىڭ كٶمەكشٸسٸ. 1993 جىلى قاراعاندى قالاسى سوۆەت اۋداندىق سوتىنىڭ سۋدياسى بولىپ سايلاندى. 2000 جىلدان باستاپ قاراعاندى وبلىستىق سوتىنىڭ سۋدياسى. 2015 جىلعى مامىردان باستاپ قازٸرگٸ ۋاقىتقا دەيٸن نۇر-سۇلتان قالاسى سوتىنىڭ سۋدياسى. سۋديالىق جۇمىس ٶتٸلٸ 27 جىل.
