ٷكٸمەت ٷيٸندە قر پرەمەر-مينيسترٸنٸڭ ورىنباسارى بەردٸبەك ساپارباەۆ زەينەتاقى جٷيەسٸن ودان ەرٸ جەتٸلدٸرۋ بويىنشا جۇمىس توبىنىڭ كەزەكتٸ وتىرىسىن ٶتكٸزدٸ, دەپ حابارلايدى ٷكٸمەتتٸڭ باسپاسٶز قىزمەتٸ.
مەملەكەت باسشىسى قاسىم-جومارت توقاەۆ قازاقستان حالقىنا ارناعان «سىندارلى قورعامدىق ديالوگ - قازاقستاننىڭ تۇراقتىلىعى مەن ٶركەندەۋٸنٸڭ نەگٸزٸ» جولداۋىندا ٷكٸمەتكە جۇمىس ٸستەيتٸن ازاماتتارعا ٶزدەرٸنٸڭ زەينەتاقى جيناقتارىنىڭ بٸر بٶلٸگٸن ماقساتتى پايدالانۋ مەسەلەسٸن پىسىقتاۋدى تاپسىرعان بولاتىن.
وتىرىس كەزٸندە «بٸرىڭعاي جيناقتاۋشى زەينەتاقى قورى» اق باسقارما تٶراعاسى جانات قۇرمانوۆ قازاقستانداعى زەينەتاقى جٷيەسٸنٸڭ تيٸمدٸلٸگٸن باعالاۋدى جەنە حالىقارالىق تەجٸريبە تالدامىن ۇسىندى.
سونىمەن قاتار زەينەتاقى جٷيەسٸنٸڭ تيٸمدٸلٸگٸن ارتتىرۋ بويىنشا بٸرقاتار ۇسىنىستار قارالدى. اتاپ ايتقاندا, زەينەتاقى جيناقتارىنىڭ بٸر بٶلٸگٸن تۇرعىن ٷي ساتىپ الۋعا نەمەسە بٸلٸم الۋعا پايدالانۋ, بٸرىڭعاي ەلەۋمەتتٸك قور قۇرۋ, بٸرىڭعاي ەلەۋمەتتٸك تٶلەم ەنگٸزۋ جەنە باسقا دا مەسەلەلەر تالقىلاندى.
وتىرىستا اتالعان مەسەلەلەر بويىنشا سىندارلى تالقىلاۋ جاسالىپ, پٸكٸر الماسىلدى, تيٸستٸ ۇسىنىستار بٸلدٸرٸلدٸ. بيىلعى جىلدىڭ سوڭىنا دەيٸن جۇمىس توبى ۇزاقمەرزٸمدٸ اكتۋارلىق مودەلدەر نەگٸزٸندە زەينەتاقى جٷيەسٸن ودان ەرٸ جەتٸلدٸرۋ بويىنشا ۇسىنىستار ەزٸرلەيتٸن بولادى.
وتىرىسقا ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ, «ەڭبەك رەسۋرستارىن دامىتۋ ورتالىعى» اق پرەزيدەنتٸ تامارا دٷيسەنوۆا, «قازاقستان قارجىگەرلەرٸ قاۋىمداستىعى» زتب كەڭەسٸنٸڭ تٶراعاسى ەلەنا باحمۋتوۆا, «First Heartland Jysan Bank» اق ديرەكتورلار كەڭەسٸنٸڭ مٷشەسٸ بولات جەمٸشەۆ, «اتامەكەن» ۇكپ اتقارۋشى حاتشىسى اليونا رومانوۆا, «ستراتەگييالىق باستامالار ورتالىعى» جشس اعا سەرٸكتەسٸ ولجاس قۇدايبەرگەنوۆ, سونداي-اق مەملەكەتتٸك ورگاندار مەن ٷكٸمەتتٸك ەمەس ۇيىمدار ٶكٸلدەرٸ, ساراپشىلار مەن قوعام قايراتكەرلەرٸ قاتىستى.
