قر پرەمەر-مينيسترٸ اسقار مامين دٷنيەجٷزٸلٸك بانكتٸڭ ەۋروپا جەنە ورتالىق ازييا ايماعى بويىنشا ۆيتسە-پرەزيدەنتٸ اننا بەردەمەن كەزدەسۋ ٶتكٸزدٸ, دەپ حابارلايدى primeminister.kz.
اسقار مامين مەن اننا بەردە دٷنيەجٷزٸلٸك بانك پەن قر ٷكٸمەتٸنٸڭ كٶمٸرتەكتٸ بەيتاراپتىق ماقساتتارىنا قول جەتكٸزۋ ٷشٸن ەكونوميكانىڭ بازالىق سالالارىن جاڭعىرتۋعا ينۆەستيتسييالار تارتۋ مەسەلەلەرٸ بويىنشا پٸكٸرسايىس سەسسيياسىنا قاتىستى.
«قازاقستاننىڭ دٷنيەجٷزٸلٸك بانكپەن ىنتىماقتاستىعىنىڭ ٷش ونجىلدىعى ٸشٸندە قارجى, ينفراقۇرىلىم, تكش, ەنەرگەتيكا, شاعىن جەنە ورتا بيزنەس, اٶك جەنە IT-سەكتور سيياقتى سالالاردا جالپى سوماسى $8 ملرد استام بولاتىن 55-تەن اسا جوبا ٸسكە اسىرىلدى. دٷنيەجٷزٸلٸك بانكتٸڭ قازاقستانداعى اعىمداعى ينۆەستيتسييالىق پورتفەلٸنەن قازٸرگٸ كەزدە جالپى سوماسى $3,6 ملرد قۇرايتىن 13 جوبا ٸسكە اسىرىلۋدا», — دەدٸ ا. مامين.
ٷكٸمەت باسشىسى قازاقستاندا «جاسىل» ەكونوميكا مودەلٸن ەنگٸزۋ جەنە تۇراقتى ٶسۋدٸ قامتاماسىز ەتۋ بويىنشا دٷنيەجٷزٸلٸك بانكپەن ىنتىماقتاستىقتى ودان ەرٸ كەڭەيتۋدٸڭ ماڭىزدىلىعىن اتاپ ٶتتٸ.
دٷنيەجٷزٸلٸك بانك توبى دامۋشى ەلدەردەگٸ كليماتتىڭ ٶزگەرۋٸنە قارسى كٷرەس جٶنٸندەگٸ شارالاردى قارجىلاندىراتىن ەلەمدەگٸ ەڭ ٸرٸ كٶپجاقتى ۇيىم. كەزدەسۋگە قاتىسۋشىلار «جاسىل» ينۆەستيتسييالاردى تارتۋعا جەنە ەنەرگەتيكا, اۋىل شارۋاشىلىعى, ٶڭدەۋ ٶنەركەسٸبٸ, اكت, ينجينيرينگتٸك قىزمەتتەر, كٶلٸك جەنە ت.ب. سالالاردا ٶسۋدٸڭ جاڭا كٶزدەرٸن قالىپتاستىرۋعا ىقپال ەتەتٸن مودەلدەر مەن فاكتورلاردى قاراستىردى.
شىعارىندىلار دەڭگەيٸ تٶمەن ينفراقۇرىلىم مەن تەحنولوگييالاردى دامىتۋداعى مەملەكەتتٸك جەنە جەكەمەنشٸك سەكتورلاردىڭ حالىقارالىق تەجٸريبەسٸ تالقىلاندى.
پٸكٸرتالاس سەسسيياسىنا قر ٷكٸمەتٸنٸڭ مٷشەلەرٸ, سونداي-اق جاسىل ٶسٸمدٸ ىنتالاندىرۋ سالاسىنداعى جەتەكشٸ ساراپشىلار – دب ينفراقۇرىلىم جٶنٸندەگٸ ٶڭٸرلٸك ديرەكتورى چارلز كورمە, ەىدۇ ەۋرازييا بٶلٸمٸنٸڭ باسشىسى ۋيليام تومپسون, ريم ۋنيۆەرسيتەتٸنٸڭ پروفەسسورى پاسكۋالە لۋچيو سكانديتستسو, گرەكييا قورشاعان ورتا جەنە ەنەرگەتيكا مينيسترلٸگٸ جانىنداعى «ەدٸل اۋىسۋدى دامىتۋ جوسپارى» قۇقىقتىق مەسەلەلەرٸ جٶنٸندەگٸ ساراپشىلار كوميتەتٸنٸڭ پرەزيدەنتٸ گرەتسيي يواننيس تسورتسيس, جاڭا زەلانديياداعى ەڭبەك ٶنٸمدٸلٸگٸ مەسەلەلەرٸ جٶنٸندەگٸ كوميسسييانىڭ باسشىسى ەندريۋ سۆيت, فينلياندييا قارجى مينيسترٸنٸڭ اعا كەڭەسشٸسٸ, كليماتتىڭ ٶزگەرۋٸنە قارسى كٷرەس جٶنٸندەگٸ قارجى مينيسترلەرٸ كواليتسيياسىنىڭ تەڭ تٶراعاسى پەككا مورەن, ٸسكەر توپتار ٶكٸلدەرٸ جەنە ت. ب. قاتىستى.
