QR Premer-Ministri Asqar Mamin Dúniejúzilik Banktiń Eýropa jáne Ortalyq Aziia aimaǵy boiynsha vitse-prezidenti Anna Berdemen kezdesý ótkizdi, dep habarlaidy primeminister.kz.
Asqar Mamin men Anna Berde Dúniejúzilik Bank pen QR Úkimetiniń kómirtekti beitaraptyq maqsattaryna qol jetkizý úshin ekonomikanyń bazalyq salalaryn jańǵyrtýǵa investitsiialar tartý máseleleri boiynsha pikirsaiys sessiiasyna qatysty.
«Qazaqstannyń Dúniejúzilik bankpen yntymaqtastyǵynyń úsh onjyldyǵy ishinde qarjy, infraqurylym, TKSh, energetika, shaǵyn jáne orta biznes, AÓK jáne IT-sektor siiaqty salalarda jalpy somasy $8 mlrd astam bolatyn 55-ten asa joba iske asyryldy. Dúniejúzilik Banktiń Qazaqstandaǵy aǵymdaǵy investitsiialyq portfelinen qazirgi kezde jalpy somasy $3,6 mlrd quraityn 13 joba iske asyrylýda», — dedi A. Mamin.
Úkimet basshysy Qazaqstanda «jasyl» ekonomika modelin engizý jáne turaqty ósýdi qamtamasyz etý boiynsha Dúniejúzilik Bankpen yntymaqtastyqty odan ári keńeitýdiń mańyzdylyǵyn atap ótti.
Dúniejúzilik Bank toby damýshy elderdegi klimattyń ózgerýine qarsy kúres jónindegi sharalardy qarjylandyratyn álemdegi eń iri kópjaqty uiym. Kezdesýge qatysýshylar «jasyl» investitsiialardy tartýǵa jáne energetika, aýyl sharýashylyǵy, óńdeý ónerkásibi, AKT, injiniringtik qyzmetter, kólik jáne t.b. salalarda ósýdiń jańa kózderin qalyptastyrýǵa yqpal etetin modelder men faktorlardy qarastyrdy.
Shyǵaryndylar deńgeii tómen infraqurylym men tehnologiialardy damytýdaǵy memlekettik jáne jekemenshik sektorlardyń halyqaralyq tájiribesi talqylandy.
Pikirtalas sessiiasyna QR Úkimetiniń músheleri, sondai-aq jasyl ósimdi yntalandyrý salasyndaǵy jetekshi sarapshylar – DB infraqurylym jónindegi óńirlik direktory Charlz Korme, EYDU Eýraziia bóliminiń basshysy Ýiliam Tompson, Rim ýniversitetiniń professory Paskýale Lýchio Skanditstso, Grekiia Qorshaǵan orta jáne energetika ministrligi janyndaǵy «Ádil aýysýdy damytý jospary» quqyqtyq máseleleri jónindegi Sarapshylar komitetiniń prezidenti Gretsii Ioannis Tsortsis, Jańa Zelandiiadaǵy Eńbek ónimdiligi máseleleri jónindegi komissiianyń basshysy Endriý Svit, Finliandiia qarjy ministriniń aǵa keńesshisi, Klimattyń ózgerýine qarsy kúres jónindegi qarjy ministrleri koalitsiiasynyń teń tóraǵasy Pekka Moren, isker toptar ókilderi jáne t. b. qatysty.
