بٷگٸنگٸ كٷنٸ قازاقستاننىڭ بٸلٸم بەرۋ جٷيەسٸندە مەكتەپتەردٸ, كوللەدج بەن ۋنيۆەرسيتەتتەردٸ ونلاين بٸلٸم الۋ فورماتىنا كٶشٸرۋ بويىنشا قىزۋ جۇمىس اتقارىلۋدا. كوروناۆيرۋس كارانتينٸنە بايلانىستى بٸلٸم بەرۋ ساپاسىن جوعالتپاي قاشىقتان بٸلٸم بەرۋ فورماتىنا قىسقا ۋاقىتتا كٶشۋ قاجەتتٸلٸگٸ تۋىندادى.وسى جاعدايدى ەسكەرٸپ, قازاقستان رەسپۋبليكاسى تٷڭعىش پرەزيدەنتٸ قورى مەن «ەلباسى اكادەميياسى» كورپوراتيۆتٸ قورى fpp.kz سايتىندا «Birge oqý» دامىتۋشى پٸكٸرتالاس الاڭىن ٸسكە قوسۋدا. بۇل تۋرالى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ حابارلايدى.
قازاقستاندىقتاردىڭ قاشىقتان بٸلٸم الۋ فورماتىنا كٶشۋ بارىسى نەتيجەلٸ جەنە ىڭعايلى بولۋى ٷشٸن «Birge oqý» جوباسى مۇعالٸمدەرگە ونلاين بٸلٸم بەرۋدٸڭ قىر-سىرىن تانىستىرىپ, جاڭا تەحنولوگييالاردى مەڭگەرۋگە كٶمەكتەسۋ, سونداي-اق اتا-انالاردىڭ قورقىنىشىن سەيٸلتٸپ, داقپىرت تۋدىرماۋ, جاڭا مٷمكٸندٸكتەرمەن تانىستىرۋ, بالالارعا ساپالى بٸلٸم الۋعا مٷمكٸندٸك بەرۋ ماقساتىن قويىپ وتىر.
«Birge oqý» مۇعالٸمدەرگە ونلاين وقىتۋدىڭ جاڭا تەحنولوگييالارى مەن رەسۋرستارىن, اتا-انالارعا جاڭا مٷمكٸندٸكتەر تۋرالى اقپارات بەرٸپ, تۋىنداپ وتىرعان ۋايىمدارىن الدىن الۋعا, ال بالالار ٷشٸن ساپالى ونلاين بٸلٸم الۋ جولدارىن كەڭەيتۋگە باعىتتالعان جوبا.
«Birge oqý» جوباسىنىڭ نەگٸزگٸ باعىتتارى بٸرٸنشٸدەن, مەكتەپ مۇعالٸمدەرٸنە, قوسىمشا جەنە ارنايى بٸلٸم بەرۋ. سونداي-اق, ۇستازدار مەن اتا-انالارعا ارنالعان پٸكٸرتالاس الاڭىنىڭ نەگٸزٸندە بەرٸلەتٸن وقىتۋ كۋرسى اقىسىز نەگٸزدە جٷرگٸزٸلەدٸ. ەكٸنشٸدەن, قازاقستاندا جەنە ەلەمدەگٸ ونلاين بٸلٸمدٸ ەنگٸزۋ تۋرالى جاڭالىقتارمەن بٶلٸسۋ. ٷشٸنشٸدەن, ونلاين بٸلٸم الۋداعى ەڭ ٷزدٸك رەسۋرستاردىڭ تٸزٸمٸن ۇسىنۋ, شولۋلار, اۆتورلىق باعانالار.
پلاتفورما مۇعالٸمدەرگە قاشىقتان بٸلٸم بەرۋدٸ قالاي جەنە نەدەن باستاۋ كەرەكتٸگٸن تٷسٸندٸرەتٸن كٶمەكشٸ جەنە سەرٸكتەس بولا الادى. ونلاين بٸلٸم بەرۋدٸڭ نەگٸزگٸ قۇرالدارىن, نۇسقاۋلىق پەن تەحنيكاسىن كٶرسەتٸپ, تٷسٸنٸكتٸ ايتىپ بەرەدٸ. كۋرس بارىسىنداعى بارلىق پروتسەستەر مەسسەندجەرلەر, www.fpp.kz سايتىنىڭ پٸكٸرتالاس الاڭىنداعى توپتارى مەن call-ورتالىق ارقىلى كەرٸ بايلانىستى ەسكەرە ۇيىمداستىرىلادى.
الاڭدى قۇرۋ بارىسىندا كٶپتەگەن جىلدار بويى ونلاين-بٸلٸم بەرۋ سالاسىندا جۇمىس ٸستەيتٸن, بۇل وقىتۋدىڭ ەرەكشەلٸكتەرٸ مەن قاعيدالارىن بٸلەتٸن وزىق وتاندىق مۇعالٸمدەردٸڭ تەجٸريبەسٸ ەسكەرٸلدٸ. اۋىلدىق جەرلەردە ونلاين وقىتۋدى ۇيىمداستىرۋ قۇرالدارىن زەرتتەۋگە ەرەكشە كٶڭٸل بٶلٸنەدٸ.
قولدانۋشىلار ٷشٸن ۆيدەو جەنە اۋديو ساباقتار, كونسپەكتٸلەر مەن جاتتىعۋلار ۇسىنىلاتىن بولادى. ماتەريالدار كەرٸ بايلانىس ارقىلى الىنعان ۇسىنىستاردى قوسا العاندا كٷندەلٸكتٸ جاڭالانىپ, تولىقتىرىلادى. بۇدان بٶلەك پلاتفورما نەگٸزٸندە قولدانۋشىلاردىڭ جەكە كونتەنتٸن جارييالاۋ, ارنايى كەڭەستەرمەن بٶلٸسۋ, تٷرلٸ بايقاۋلار مەن ساۋالنامالارعا قاتىسۋ مٷمكٸندٸگٸ كٶزدەلگەن.
پلاتفورمانىڭ ەلەۋمەتتٸك جەلٸ فورماتىندا ۇيىمداستىرىلۋى ەڭ ٷزدٸك تەجٸريبەلەرمەن تەز ارادا بٶلٸسۋگە, ونلاين بٸلٸم الۋدىڭ ٶزەكتٸ مەسەلەلەرٸن تالقىلاۋدا, مەسەلەلەردٸڭ شەشۋ جولدارىن انىقتاۋعا مٷمكٸندٸك بەرەدٸ.
قولدانۋشىلارعا ىڭعايلى بولۋ ٷشٸن Youtube, What’s App, Facebook, Instagram, Odnoklassniki, Telegram جەلٸلەرٸندە «Birge oqý» جوباسىنىڭ پاراقشالارى ٸسكە قوسىلعان. سونداي اق 7170 نٶمٸرٸ ارقىلى سall ورتالىققا (قوڭىراۋ شالۋ تەگٸن) حابارلاسۋعا بولادى.
