قازاقستان پرەزيدەنتٸ قاسىم-جومارت توقاەۆ ساياساتقا قاتىستى بۇرىن ايتا الماي جٷرگەن مەسەلەنٸ قوزعادى.
مۇنداي پٸكٸردٸ «كيەلٸ قازاقستان» عىلىمي-زەرتتەۋ ورتالىعىنىڭ باسشىسى, ۇلتتىق قوعامدىق سەنٸم كەڭەسٸنٸڭ مٷشەسٸ بەرٸك ەبٸدعاليۇلى بٸلدٸردٸ, دەپ حابارلايدى قازاقپارات.
«پرەزيدەنتتٸڭ العاشقى جولداۋى بولعاننان كەيٸن ەلدٸڭ اراسىندا قىزىعۋشىلىق جوعارى بولدى. ەكٸنشٸ پرەزيدەنتٸمٸزدٸڭ حالىققا جولداۋىن ٷلكەن ٷمٸتپەن, سەنٸممەن قارادىق. سەنٸم اقتالدى. بٸراز مەسەلە كٶتەرٸلدٸ. سونىڭ ٸشٸندە ساياساتقا قاتىستى ناقتى-ناقتى مەسەلەلەر, ساياسي رەفورمالاردى ٸلگەرٸلەتۋ, دامىتۋ مەسەلەسٸ قوزعالدى. بٷگٸنگٸ كٷنٸ ساياسي مودەرنيزاتسييا جاسالماي ەكونوميكا دامىمايدى دەگەن تەزيستٸ ايتتى. بۇل بۇرىن بٸز ايتا الماي جٷرگەن مەسەلە ەدٸ», - دەدٸ بەرٸك ەبدٸعاليۇلى مەملەكەت باسشىسىنىڭ جولداۋىنا وراي پٸكٸر بٸلدٸرە كەلە.
ونىڭ اتاپ ٶتۋٸنشە, ەلٸمٸزدٸڭ ەكونوميكاسى دامىدى. دەگەنمەن, ونىڭ مۇنان ارى قاراي دامي تٷسۋٸ ساياساتقا, ەلەۋمەتتٸك مەسەلەلەرگە تٸرەلٸپ تۇر.
«بٸزدە «تيٸمدٸ مەملەكەت» پرينتسيپٸ جۇمىس ٸستەۋٸ كەرەك. ال ول تيٸمدٸ جۇمىس ٸستەۋٸ ٷشٸن سايلاۋ بولۋى قاجەت. لايىقتى, ەلدٸڭ اراسىندا بەدەلدٸ ازاماتتار كٶشەگە شەرۋگە شىقپاۋى كەرەك. ولار پارلامەنتتە, مەسليحاتتا وتىرۋى كەرەك. سول جەردەن مەسەلەلەردٸ كٶتەرۋٸ تيٸس. سوندا ەلدٸڭ بيلٸككە دەگەن سەنٸمٸ ارتادى. جولداۋدا وسى جايىندا دا ايتىلدى. بۇل ٷلكەن ساياسي قادام. ەندٸ وسىنى ارى قاراي ٸلگەرٸلەتٸپ, قوعام بولىپ قولداۋ كٶرسەتۋ - بٸزدٸڭ الدىمىزدا تۇرعان پارىزىمىز, مٸندەتٸمٸز», - دەدٸ ول.
ەستەرٸڭٸزگە سالا كەتەيٸك, بٷگٸن مەملەكەت باسشىسى قاسىم-جومارت توقاەۆ قوعامدى مازالاعان نەگٸزگٸ مەسەلەلەر كٶشەلەردە ەمەس, ازاماتتىق ديالوگ اياسىندا پارلامەنتتە شەشٸلۋٸ تيٸستٸگٸن ايتقان ەدٸ.
