مەملەكەت باسشىسى قازاقستان مۇناي-گاز سالاسىنىڭ 120 جىلدىعىنا ارنالعان سالتاناتتى جيىنعا قاتىستى, دەپ حابارلايدى اقوردانىڭ باسپاسٶز قىزمەتٸ.
قاسىم-جومارت توقاەۆ سالتاناتتى جيىنعا قاتىسۋشىلارعا ٸلتيپات بٸلدٸرٸپ, ەلٸمٸزدەگٸ مۇناي-گاز كەشەنٸنٸڭ بارشا ەڭبەككەرلەرٸن كەسٸبي مەرەكەلەرٸمەن قۇتتىقتادى.
مەملەكەت باسشىسى قازاقستان مۇناي ٶنەركەسٸبٸنٸڭ تەرەڭ ەرٸ داڭقتى تاريحى جٶنٸندە ايتا كەلٸپ, ٶتكەن عاسىردىڭ 90-شى جىلدارىندا ەلٸمٸزدٸڭ تەۋەلسٸز مۇناي-گاز يندۋستريياسىن قالىپتاستىرۋ ٷدەرٸسٸندە قيىندىقتارعا تاپ بولعانىن ەسكە سالدى. وسى ورايدا بۇل سالانى دامىتۋ ٷشٸن شەتەلدەن كاپيتال تارتۋ ٸسٸندەگٸ ەلباسى نۇرسۇلتان نازارباەۆتىڭ وراسان زور ەڭبەگٸن اتاپ ٶتتٸ.
قاسىم-جومارت توقاەۆ قازاقستانداعى مۇناي ٶنەركەسٸبٸنٸڭ جەتٸستٸكتەرٸنە قىسقاشا توقتالدى. سونىڭ ٸشٸندە, پرەزيدەنت مۇناي سالاسىندا زاماناۋي تەحنولوگييا مەن وزىق تەجٸريبەنٸ مەڭگەرگەن وتاندىق مامانداردىڭ قاتارى كٶبەيگەنٸن ايتتى.
مەملەكەت باسشىسىنىڭ سٶزٸنشە, بٷگٸندە «قازمۇنايگاز» ۇلتتىق كومپانيياسى Chevron, ExxonMobil, Shell, لۋكويل, Eni, Total, CNPC سيياقتى كورپوراتسييالارمەن جەنە باسقا دا كومپانييالارمەن ٸرٸ جوبالاردى تابىستى جٷزەگە اسىرىپ كەلەدٸ.
پرەزيدەنت وتاندىق مۇنايشىلاردىڭ ۇرپاق ساباقتاستىعىنا ارنايى توقتالدى. ول قازاقستان مۇناي ٶنەركەسٸبٸنٸڭ نەگٸزٸن قالاۋشى, اتىراۋ مۇناي-گاز ۋنيۆەرسيتەتٸنە اتى بەرٸلگەن سافي ٶتەباەۆتىڭ وسى سالانىڭ قالىپتاسۋىنا زور ٷلەس قوسقانىن اتاپ ٶتتٸ. پرەزيدەنت مۇناي-گاز سالاسىنداعى قىزمەتكەرلەردٸڭ جيناعان تەجٸريبەسٸ مەن بٸلٸمٸ ازاماتتارىمىزدىڭ تۇرمىسىن ودان ەرٸ گٷلدەندٸرۋگە جەنە جاقسارتۋعا سەپتٸگٸن تيگٸزەتٸن ماڭىزدى سالالىق جاڭعىرتۋ جۇمىستارىن جٷرگٸزۋگە مٷمكٸندٸك بەرەدٸ دەپ سانايدى.
باياندامادا مۇنايشىلار شەشۋگە تيٸستٸ بٸرقاتار ماڭىزدى مٸندەتتەر ايتىلدى.
– سالانى دامىتۋدىڭ ستراتەگييالىق جوسپارىنا سەيكەس, 2025 جىلعا قاراي مۇناي ٶندٸرۋ جىلىنا 100 ميلليون توننادان, ال گاز جىلىنا 77 ميلليارد تەكشە مەتردەن اسۋى تيٸس. وسى ماقساتتا 2021-2025 جىلدارعا ارنالعان اۋقىمدى گەولوگييالىق بارلاۋ باعدارلاماسى ەزٸرلەنۋدە. ساراپشىلاردىڭ باعالاۋى بويىنشا, قازاقستاننىڭ جالپى رەسۋرستىق ەلەۋەتٸ 75 ميلليارد توننا شارتتى وتىن بولسا, ورتالىق جەنە سولتٷستٸك قازاقستاننىڭ ەلەۋەتتٸ رەسۋرسى شامامەن 18 ميلليارد توننانى قۇرايدى, – دەدٸ مەملەكەت باسشىسى.
قاسىم-جومارت توقاەۆ قازاقستاننىڭ دايىن مۇناي ٶنٸمدەرٸن ساتۋ ٸسٸندەگٸ كٶشباسشىلاردىڭ بٸرٸ بولۋى تيٸس دەگەن پٸكٸر بٸلدٸردٸ.
ونىڭ ايتۋىنشا, بۇل ٷكٸمەتتٸڭ الداعى جىلدارداعى اتقاراتىن باستى مٸندەتتەرٸنٸڭ بٸرٸ. بۇل رەتتە, پرەزيدەنت وسى سالاعا يننوۆاتسييالاردى ەنگٸزۋگە, شيكٸزات ٶندٸرۋ جەنە ونى ەرٸ قاراي قايتا ٶڭدەۋ ٷدەرٸسٸنٸڭ ەكولوگييالىق تازالىعىن ارتتىرۋعا نازار اۋدارۋ قاجەتتٸگٸن اتاپ ٶتتٸ.
– 2025 جىلعا قاراي جالپى ٸشكٸ ٶنٸمنٸڭ جىل سايىنعى تۇراقتى ٶسٸمٸن 5 پايىزعا جەنە ودان دا جوعارى دەڭگەيدە قامتاماسىز ەتۋ كٶزدەلٸپ وتىر. بۇل مەنٸڭ قازاقستان حالقىنا ارنالعان جولداۋىمدا ايتىلدى. وسى ماقساتتارعا قول جەتكٸزۋ بارىسىندا ەلٸمٸزدٸڭ مۇناي-گاز سەكتورى ٷلكەن رٶل اتقارادى, – دەدٸ مەملەكەت باسشىسى.
سالتاناتتى رەسٸم سوڭىندا قاسىم-جومارت توقاەۆ مۇناي-گاز ٶنەركەسٸبٸنٸڭ ٷزدٸك 41 قىزمەتكەرٸن ماراپاتتادى.
