قازاقستان پرەزيدەنتٸ قاسىم-جومارت توقاەۆ ينتەرنەتتٸ شەكتەۋدەن ەشبٸر پايدا بولمايتىنىن تٷسٸندٸردٸ, دەپ حابارلايدى "ۇلت اقپارات".
«31 ارنادا» كٶرسەتٸلگەن «پرەزيدەنت 2.0» دەرەكتٸ فيلمٸندە رەسەيلٸك تٸلشٸ الەكسەي پيۆوۆاروۆ پرەزيدەنتتەن ينتەرنەتتٸ مٶلشەرمەن تاراتۋعا قاتىستى پٸكٸرٸن سۇرادى.
"بۇل – كٷردەلٸ سۇراق. بٸراق قازٸرگٸ زاماندا ۇلۋ سيياقتى بٸر قابىرشاقتىڭ ٸشٸندە قالىپ قويۋعا بولمايدى. بەرٸبٸر ادامدار اينالما جول تاۋىپ, ٷلكەن جەلٸگە شىعادى. بٸزدٸڭ ٶز شىندىعىمىز بولۋى كەرەك. سونى ەلەۋمەتتٸك جەلٸلەر ارقىلى جەتكٸزە بٸلۋٸمٸز كەرەك.
مىسالى مەن ٷشٸن Twitter جەكە تەلەگراف اگەنتتٸگٸم سيياقتى. Twitter تۇرعاندا جۋرناليستەردٸ شاقىرىپ, سۇحبات بەرۋدٸڭ قاجەتٸ قانشا ماعان? پرەزيدەنتتٸككە دەيٸن مەن Instagram-دا جازبايتىنمىن. قازٸر Instagram پاراقشام تۇراقتى جاڭارىپ تۇرادى", - دەدٸ توقاەۆ "پرەزيدەنت 2.0" فيلمٸندە.
پرەزيدەنت ەلەۋمەتتٸك جەلٸلەردٸ قالاي پايدالاناتىنىن ايتىپ بەردٸ. Twitter ارقىلى حالىققا كٶپ نەرسەنٸ جەتكٸزۋگە بولادى, Instagram دا جاقسى جٷرٸپ كەتتٸ, دەيدٸ ول.
"ەلەۋمەتتٸك جەلٸلەر – بۇل ٶمٸرلٸك شىندىق. سونىمەن بٸرگە ەلەۋمەتتٸك جەلٸلەر شەنەۋنٸكتەردٸ حالىققا جاقىنداتادى. ول دا – شىندىق. ٷشٸنشٸدەن, جاستاردىڭ بەرٸ ەلەۋمەتتٸك جەلٸدە وتىرادى. ايتپاقشى, قازٸرگٸ جاستار تەلەديدار كٶرمەيدٸ. ونى بٸزدٸڭ بۋىنىمىز, سوسىن ٷيدە وتىرعان ەيەلدەر عانا كٶرەتٸن شىعار. مەن ٶزٸم تەلەديداردى از كٶرە باستادىم", - دەپ اتاپ ٶتتٸ توقاەۆ.
سونىمەن بٸرگە مەملەكەت باسشىسى ەلەۋمەتتٸك جەلٸلەر ارقىلى تٷسەتٸن ارىز-شاعىمداردى جٸكتەپ وتىراتىنىن جەتكٸزدٸ.
"مەن ونداي شاعىمداردىڭ, شىنىمەن دە, ادامداردىڭ جانايقايى ەكەنٸن سەزەمٸن. Instagram-عا تٷسكەن, Twitter-گە جازدى. مەن سونىڭ بەرٸن پرەزيدەنت ەكٸمشٸلٸگٸنە نەمەسە پرەمەر-مينيسترگە تاپسىرما رەتٸندە جٸبەرٸپ وتىردىم", - دەيدٸ پرەزيدەنت.
توقاەۆتىڭ ايتۋىنشا, ادامدار جەكە سۇراقتار بويىنشا ارىزدانادى. سونىڭ ٸشٸندە سوتتاردىڭ ەدٸلەتسٸز شەشٸمدەرٸنە قاتىستى ارىزدار بار.
"بٸرەۋدٸ مەكتەپكە, ەندٸ بٸرەۋدٸ ۋنيۆەرسيتەتكە دۇرىس قابىلداماعان. وسىنىڭ بەرٸ باقىلاۋعا الىنىپ, تيٸستٸ شەشٸمدەر قابىلدانادى. ەكٸمدەر ناقتى قانداي شارا قولدانعانىن جازىپ وتىرادى. ەرينە, ولار ٷشٸن ەلەۋمەتتٸك جەلٸلەردٸ قاراپ وتىراتىن پرەزيدەنتپەن جۇمىس ٸستەۋ قيىنداۋ. مەن ونى سەزەمٸن. بٸراق ٶمٸردٸڭ تالابى سول", - دەپ ويىن اياقتادى توقاەۆ.
