قازاقستان پرەزيدەنتٸ قاسىم-جومارت توقاەۆ «مير» تەلەارناسىنا بەرگەن سۇحباتى بارىسىندا تمد ەلدەرٸ باسشىلارىنىڭ قايسىسىمەن ورتاق تٸل تابىسۋ وڭاي ەكەندٸگٸن ايتىپ بەردٸ, - دەپ حابارلايدى "ۇلت اقپارات".
«بٸرنەشە تٸل بٸلۋ - بۇل قاجەتتٸلٸك دەپ سانايمىن. پرەزيدەنتتەردٸڭ, مەملەكەت باسشىلارىنىڭ بٸرەۋٸن بٶلە-جارا قاراماس ەدٸم. تٷسٸنٸكتٸ سەبەپتەرگە بايلانىستى كونسترۋكتيۆتٸ, ادامي تۇرعىدا رەسەي فەدەراتسيياسىنىڭ پرەزيدەنتٸ ۆلاديمير پۋتينمەن جانعا جايلى سۇحبات بولاتىندىعى تٷسٸنٸكتٸ. قىتاي تٶراعاسى سي تسزينپينمەن دە ٶتە جاقسى سٶيلەسەمٸز. كٶرشٸلەس مەملەكەتتەردٸڭ باسشىلارى - ٶزبەكستان, تەجٸكستان پرەزيدەنتتەرٸمەن دە جاقسى قارىم-قاتىناستامىن. تاياۋدا عانا بەلارۋس پرەزيدەنتٸ ساپارمەن كەلٸپ كەتتٸ. سوندىقتان كٶشباسشىلار اراسىنداعى قارىم-قاتىناس جولىندا ەشقانداي كەدەرگٸ جوق دەپ ويلايمىن», - دەدٸ قر پرەزيدەنتٸ.
وسى رەتتە مەملەكەت باسشىسى تانىمال پسيحولينگۆيست فرەنك سميتتٸڭ «بٸر تٸل سٸزدٸ ٶمٸر دەلٸزٸنە الىپ كەلسە, ەكٸ تٸل سول جولداعى بارلىق ەسٸكتٸ اشادى» دەگەن سٶزٸن ەسكە الدى.
«حالىقارالىق دەڭگەيدەگٸ ساياساتكەر كەز كەلگەن ەڭگٸمەلەسۋشٸسٸمەن ورتاق تٸل تابىسا الۋى تيٸستٸگٸنە سەنٸمدٸمٸن. سەبەبٸ, مۇنى ساياسي ەدەپ ەرەجەسٸ عانا ەمەس, ونىڭ مەملەكەتٸنٸڭ مٷددەسٸ دە تالاپ ەتەدٸ. ٶزگە مەملەكەتتٸڭ تٸلٸن, مەدەنيەتٸن, تاريحىن بٸلۋ تٸل تابىسۋعا, سۇحباتتاسۋشىنىڭ ۇستانىمىن, ونىڭ قاعيداسىن تٷسٸنۋگە, ال بۇل ٶز كەزەگٸندە ٶزارا تٷسٸنٸستٸككە, تٸپتٸ كٷردەلٸ كەلٸسسٶزدەر بارىسىندا ىمىراعا كەلۋگە مٷمكٸندٸك بەرەدٸ», - دەدٸ قاسىم-جومارت توقاەۆ.
