بايقوڭىر – قازاقستاننىڭ شىن مەنٸندە عارىشتىق مەملەكەت ەكەنٸنٸڭ دەلەلٸ. بۇل تۋرالى مەملەكەت باسشىسى قاسىم-جومارت توقاەۆ «31ارنادا» كٶرسەتٸلگەن «پرەزيدەنت 2.0» دەرەكتٸ فيلمٸندە ايتتى, دەپ حابارلايدى قازاقپارات.
«بٸرٸنشٸدەن, بايقوڭىر ارقىلى رەسەيمەن تىعىز بايلانىستامىز. مەسكەۋدە, كرەملدەگٸ تاياۋدا ٶتكەن كەلٸسسٶزدەر بارىسىندا بۇل تاقىرىپ قوزعالدى. ۆ.پۋتين ەكٸ ەل اراسىنداعى بۇل سەرٸكتەستٸككە جاقسى قارايدى. سوعان وراي تاپسىرمالار بەرەدٸ. وسى كەلٸسسٶزدەردٸڭ نەتيجەسٸندە مەن «روسكوسموس» باسشىسى دميتريي روگوزيندٸ قابىلدادىم», - دەدٸ مەملەكەت باسشىسى.
قازاقستان پرەزيدەنتٸ ەكٸ ەلدٸڭ اراسىندا بولاشاقتا جٷزەگە اسىرىلاتىن ٷلكەن جوسپارلارى بار ەكەندٸگٸن اتاپ ٶتتٸ.
«بايقوڭىر – قازاقستاننىڭ شىن مەنٸندە عارىشتىق دەرجاۆا نەمەسە عارىشتىق مەملەكەت ەكەنٸنٸڭ دەلەلٸ», - دەدٸ قاسىم-جومارت توقاەۆ.
قازاقستان پرەزيدەنتٸ بٷكٸل ەلەم بويىنشا جەر استىندا بولسىن, ٷستٸندە بولسىن بٸر پوليگوندا 450-دەن استام جارىلىستىڭ بولماعاندىعىن اتاپ ٶتەدٸ.
«ەڭ باستىسى, جەرگٸلٸكتٸ تۇرعىندارعا جارىلىس تۋرالى, قانداي دا بٸر شارا قولدانۋ تۋرالى ەسكەرتۋ جاسالماعان. جەردٸ دەزاكتيۆاتسييا جاساماعان. بۇل يادرولىق جارىلىستاردىڭ زاردابى ەلٸ كٷنگە دەيٸن سەزٸلٸپ كەلەدٸ. سوندىقتان ەلباسى نۇرسۇلتان ەبٸشۇلى نازارباەۆ سوۆەت وداعىنىڭ تۇسىندا-اق ٶز جارلىعىمەن بۇل پوليگوندى جابۋ تۋرالى شەشٸم قابىلداعان. سودان بەرٸ بۇۇ باس اسسامبلەياسىنىڭ شەشٸمٸمەن 29 تامىز ەلەم بويىنشا يادرولىق قارۋدى سىناۋعا تىيىم سالۋ كٷنٸ رەتٸندە اتالىپ ٶتٸلەدٸ», - دەدٸ مەملەكەت باسشىسى.
سونىمەن قاتار, پرەزيدەنت قازاق ٷشٸن دالادان قىمبات ەشتەڭە جوق ەكەنٸن ايتتى.
«ستەپ» سٶزٸ قازاقشا - دالا. ال «ۇلى دالا» - ۇلان-بايتاق ەلٸمٸز, قازاقتىڭ جەرٸ, قازاقستان دەگەندٸ بٸلدٸرەدٸ. سوندىقتان دالانى بارشا قازاقتىڭ اتامەكەنٸ دەپ اتايمىز. بٸراق, بٸزدٸڭ تاۋلارىمىز دا بار, الماتىدا», - دەدٸ قر پرەزيدەنتٸ.
مەملەكەت باسشىسى جەرٸمٸزدٸڭ اۋماعىنداعى تاۋلاردىڭ دا ماڭىزىن باسا ايتتى.
«ۇلى اقىن ولجاس سٷلەيمەنوۆ ايتقانداي: «دالانى تٶمەندەتپەي, تاۋلاردى ۇلىقتاۋ» قاجەت. مٸنە, بٸز وسىلاي ٶمٸر سٷرٸپ جاتىرمىز», - دەدٸ قاسىم-جومارت توقاەۆ.
