پرەزيدەنت قاسىم-جومارت توقاەۆ قازاقستاننىڭ حالىق جازۋشىسى, مەملەكەتتٸك سىيلىقتىڭ لاۋرەاتى ەبدٸجەمٸل نۇرپەيٸسوۆتٸ 95 جاسقا تولعان مەرەيتويىمەن قۇتتىقتاپ, جەدەلحات جولدادى. بۇل تۋرالى اقوردانىڭ رەسمي سايتىندا حابارلاندى.
«سٸزدٸ ەگەمەن ەلٸمٸزدٸڭ ەدەبيەتٸ مەن مەدەنيەتٸنٸڭ ٶركەندەۋٸنە ٶلشەۋسٸز ٷلەس قوسقان اسا كٶرنەكتٸ جازۋشى, سٶز ٶنەرٸنٸڭ پاتريارحى رەتٸندە قادٸرلەيمٸز. قازاق قالامگەرلەرٸ اراسىنان دارالانىپ شىعىپ, بٸرەگەي تۇلعا دەرەجەسٸنە كٶتەرٸلگەن ٶزٸڭٸزدٸ ٷنەمٸ ماقتان ەتەمٸز»,– دەلٸنگەن جەدەلحاتتا.
سونىمەن قاتار جازۋشىنىڭ «قان مەن تەر», «سوڭعى پارىز» روماندارى قازاق كٶركەم سٶزٸنٸڭ التىن قازىناسىنا ەنٸپ, ەلەم ەدەبيەتٸندە ٶزٸندٸك ورنى بار رۋحاني قۇندىلىققا اينالعانى جايىندا دا ايتىلعان. جازۋشىنىڭ جالپىادامزاتتىق مەسەلەلەردٸ ارقاۋ ەتكەن شىعارمالارى ارقىلى حالقىمىزدى بٷكٸل دٷنيەجٷزٸ تانىعانىنا دا توقتالعان.
«بارشانى الاڭداتقان ارالدىڭ احۋالى سٸزدٸڭ قايتالانباس تۋىندىلارىڭىزدا كٶرٸنٸس تاپتى. ەل مٷددەسٸن جاھاندىق دەڭگەيگە جەتكٸزٸپ, وقىرماننىڭ شەكسٸز ىقىلاسىنا بٶلەنٸپ كەلەسٸز»,– دەپ جازدى مەملەكەت باسشىسى.
پرەزيدەنت مەرەيتوي يەسٸنە «جازۋشىلىق جولىڭىز, عيبراتتى عۇمىرىڭىز جالعاسا بەرسٸن! سٸزگە زور دەنساۋلىق, شىعارماشىلىق تابىس, باق-بەرەكە تٸلەيمٸن» دەگەن ىقىلاسىن بٸلدٸردٸ.
