جاپونييانىڭ فۋكۋوكا پرەفەكتۋراسىنداعى كۋرۋمە قالاسىندا قازاقستان ۇلتتىق وليمپيادالىق كوميتەتٸ مەن جاپون تارابى 2020 جىلعى توكيو وليمپياداسىنىڭ قارساڭىندا وليمپيادالىق قۇرامالاردى دايىنداۋ تۋرالى ەرٸپتەستٸك مەموراندۋمعا قول قويدى, دەپ حابارلايدى ۇلتتىق وليمپيادالىق كوميتەتتٸڭ باسپاسٶز قىزمەتٸ.
24 شٸلدەدە جاپونيياداعى وليمپيادا ويىندارىنىڭ باستالۋىنا تۋرا ەكٸ جىل ۋاقىت قالعاندا قازاقستان ۇوك سپورت ديرەكتسيياسىنىڭ باسشىسى ەلسييار قاناعاتوۆ پەن فۋكۋوكا گۋبەرناتورى حيروشي وگاۆا, قالا مەرٸ تسۋتومۋ وكۋبو ەرٸپتەستٸك تۋرالى كەلٸسٸمدٸ بەكٸتتٸ. بۇل كەلٸسٸم بويىنشا سپورتشىلار تٶرتجىلدىقتىڭ باستى دوداسىنا ساپالى دايىندىق كەزەڭٸن جٷرگٸزٸپ, اتلەتتەر ٷشٸن ماڭىزدى سانالاتىن اككليماتيزاتسييادان ٶتۋگە مٷمكٸندٸك بەرٸلەدٸ.
سالتاناتتى رەسٸم قايعىلى جاعدايدا كٶز جۇمعان سپورتشى, وليمپيادا ويىندارىنىڭ جٷلدەگەرٸ دەنيس تەننٸڭ قازاسىنا بايلانىستى قازاقستانعا كٶڭٸل ايتۋدان باستالدى. كۋرۋمە قالاسىنىڭ مەرٸ وكۋبو مىرزانىڭ ايتۋىنشا, بۇل تراگەدييا قازاقستاندىق مەنەرلەپ سىرعاناۋشىنىڭ تالانتىن قۇرمەتتەيتٸن جاپونييا حالقىن دٷر سٸلكٸنتكەن.
ماۋسىم ايىندا كۋرۋمە قالاسىندا 2020 جىلعى ويىندار قارساڭىندا ۇلتتىق قۇرامالاردى قابىلدايتىن, بارلىق حالىقارالىق تالاپتارعا جاۋاپ بەرەتٸن جاڭا كٶپسالالى سپورت كەشەنٸ اشىلدى. كەشەندە ويىن تٷرلەرٸنە ارنالعان بارلىق كوماندالاردىڭ جاتتىعۋ جٷرگٸزۋٸنە مٷمكٸندٸك بار. اتاپ ايتار بولساق, سپورتتىق گيمناستيكا, ٷستەل تەننيسٸ, جەكپە-جەك تٷرلەرٸ, جەڭٸل اتلەتيكا جەنە كانوەمەن ەسكەك ەسۋشٸلەرگە بارلىق جاعداي قاراستىرىلعان. اتالعان كەلٸسٸم اياسىندا جاپوندىقتار وتاندىق سپورتشىلاردىڭ قايتارىمسىز نەگٸزدە جاتتىعۋ جاساۋىنا مٷمكٸندٸك بەرەدٸ.
ايتا كەتەلٸك, قازاقستان ۇوك جاپونيياداعى جاتتىعۋ ورتالىقتارىمەن كەلٸسٸم جٷرگٸزۋدٸ ريو-دە-جانەيروداعى وليمپيادا ويىندارىنان كەيٸن باستاعان بولاتىن. ۇوك تەك قانا فۋكۋوكا پرەفەكتۋراسىمەن عانا ەمەس, نارا پرەفەكتۋراسىنىڭ ٶكٸلدەرٸمەن دە كەلٸسٸمگە كەلۋدە.
«توكيو وليمپياداسىنىڭ باستالۋىنا ەلٸ ەكٸ جىل بارىنا قاراماستان, قازاقستان ۇوك سپورتشىلاردىڭ الاڭسىز دايىندىعىن ۇيىمداستىرۋ ٷشٸن بەلسەندٸ تٷردە جۇمىس ٸستەۋدە. بٸز ۇلتتىق قۇراما سپورتشىلارى ٷشٸن ەڭ ٷزدٸك دەگەن جاتتىعۋ ورتالىقتارىن تاۋىپ قانا قويماي, بٸرلەسكەن وقۋ-جاتتىعۋ جيىندارىن ٶتكٸزۋ جٶنٸندە دە كەلٸسٸمگە كەلەمٸز. وليمپيادالىق سپورت تٷرلەرٸندەگٸ قۇرامالاردىڭ جاتتىعۋىن رەتتەۋ ٷشٸن جاپونييانىڭ ٶزگە دە پرەفەكتۋرالارىمەن كەلٸسسٶزدەر جٷرگٸزەمٸز», - دەيدٸ سپورت ديرەكتسيياسىنىڭ باسشىسى ەلسييار قاناعاتوۆ.
كۋكرۋمە قالاسىنىڭ مەرٸ 2020 جىلعى وليمپيادا ويىندارىنىڭ قارساڭىندا قازاقستاننىڭ وليمپيادالىق قۇراماسىن قابىلداۋ ٷلكەن ابىروي ەكەنٸن ايتتى. وكۋبو مىرزا زاماناۋي جاتتىعۋ ورتالىقتارى وتاندىق سپورتشىلاردىڭ دايىندىعىنا ٶز ٷلەسٸن قوسادى دەگەن سەنٸمدە.
