24 سەۋٸر كٷنٸ قازاقستان رەسپۋبليكاسىنىڭ سىرتقى ٸستەر مينيسترٸ قايرات ەبدٸراحمانوۆ بەيجٸڭدە قىتايدىڭ سىرتقى ٸستەر مينيسترٸ, مەملەكەتتٸك كەڭەستٸڭ مٷشەسٸ ۆان يمەن ەكٸجاقتى كەزدەسۋلەر ٶتكٸزدٸ, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
كەزدەسۋ بارىسىندا ەكٸ ەلدٸڭ سىرتقى ٸستەر مينيسترلەرٸ قازاقستان-قىتاي قارىم-قاتىناسىنىڭ اۋقىمدى مەسەلەلەرٸن تالقىلادى. ەسٸرەسە, قازاقستان پرەزيدەنتٸ نۇرسۇلتان نازارباەۆتىڭ قىتايعا ساپارىنا جەنە شانحاي ىنتىماقتاستىق ۇيىمىنىڭ سامميتٸنە قاتىسۋىنا دايىندىق مەسەلەسٸنە اسا مەن بەرٸلدٸ.
قوس تاراپ ەكٸ ەلدٸڭ ازاماتتارىنىڭ قۇقىعىن قورعاۋ, ترانسشەكارالىق ٶزەندەردٸ بٸرلەسە پايدالانۋ سىندى مەسەلەلەردٸ قارادى. جۋىق ارادا كونسۋلدىق قىزمەتتەر جەلٸسٸ ارقىلى سىرتقى ٸستەر مينيسترلٸكتەرٸ اراسىندا كونسۋلتاتسييالار ٶتكٸزۋ تۋرالى كەلٸسٸم جاسالدى.
ق. ەبدٸراحمانوۆ قازاقستان تاراپى «نۇرلى جول» مەن «بٸر بٸلدەۋ, بٸر جول» باعدارلامالارىن توعىستىرۋ باعىتىندا بەلسەندٸ جۇمىس جاساي بەرەتٸنٸن جەتكٸزدٸ. بۇل قىتايدان قازاقستان ارقىلى ەۋروپا مەن تاياۋ شىعىس ەلدەرٸنە تاسىمالداناتىن كونتەينەردٸڭ كٶلەمٸن ارتتىرۋعا, ەلدٸڭ كٶلٸكتٸك-ترانزيتتٸك ەلەۋەتٸن ارتىرۋعا جول اشپاق.
ەكٸ جاق الداعى ۋاقىتتا ٶندٸرٸستٸك قۋاتتى ارتتىراتىن باعدارلامانى جٸتٸ جٷزەگە اسىرۋ مەسەلەسٸنە قىزىعۋشىلىق تانىتتى. قازٸرگٸ تاڭدا قۇنى 27 ميلليارد دوللار بولاتىن 51 بٸرلەسكەن جوبا بويىنشا جۇمىستار جٷرگٸزٸلٸپ جاتىر, ونىڭ 5-ەۋٸ ٸسكە قوسىلعان (قۇنى 158 ميلليون دوللار). سونداي-اق, قىتاي نارىعىنا قازاقستاندىق اۋىلشارۋاشىلىق ٶنٸمدەرٸن جەتكٸزۋ نومەنكلاتۋراسىن كەڭەيتۋ مەسەلەسٸ دە زور ماڭىزعا يە.
مينيسترلەر, سونداي-اق, الداعى ۋاقىتتا ينۆەستيتسييا, ەنەرگەتيكا, قارجى, شەكارا ماڭى ساۋداسى, «قورعاس» شەكارا ماڭى ىنتىماقتاستىعى حالىقارالىق ورتالىعى قىزمەتٸنٸڭ تيٸمدٸلٸگٸن ارتتىرۋ سىندى مەسەلەلەردەگٸ كەلەسٸ قادامداردى تالقىلادى.
