فوتو: ە. قاستەەۆ اتىنداعى قر مەملەكەتتٸك ٶنەر مۋزەيٸنٸڭ باسپاسٶز قىزمەتٸنەن
9 سەۋٸردە ەبٸلحان قاستەەۆ اتىنداعى قر مەملەكەتتٸك ٶنەر مۋزەيٸندە بەلگٸلٸ قازاقستاندىق سۋرەتشٸ, كسرو سۋرەتشٸلەر وداعىنىڭ مٷشەسٸ يۆان ستادنيچۋكتىڭ 112 جىلدىعىنا ارنالعان جەكە كٶرمەسٸنٸڭ اشىلۋى ٶتەدٸ, دەپ حابارلايدى Ult.kz.
ەكسپوزيتسييادا وتباسىلىق كوللەكتسييادان, سونىمەن قاتار ەبٸلحان قاستەەۆ اتىنداعى قر مٶم قورىنان اۆتوردىڭ 50-دەن استام كەسكٸندەمەلٸك, اكۆارەلدٸك تۋىندىلارى ۇسىنىلادى.
سۋرەتشٸ شىعارماشىلىعى – كٶرەرمەنٸنە جارقىن دا, قۋانىشقا تولى ەسەر سىيلايتىن تۇتاس ەلەم. ٶتكەن كٷن مەن بٷگٸندٸ توعىستىرعان كٶپ تٷستٸ پاليترامەن بٸرٸكتٸرٸلگەن كومپوزيتسييالارىنداعى ەرتٷرلٸ كٶڭٸل-كٷي بەينەلەنگەن پورترەت, پەيزاج, ناتيۋرمورتتاردىڭ بارلىعى تابيعات پەن الۋان تٷس ەسەمدٸگٸمەن جارىسقانداي سەزٸم قالدىرادى. قىلقالام تٷسٸرگەن ەربٸر بوياۋدا سۋرەتشٸنٸڭ جٸگەرلٸ سەزٸمٸ مەن شابىتتاردىڭ تۇتاس ٷيلەسٸمدٸلٸگٸ سەزٸلەدٸ.
فوتو: ە. قاستەەۆ اتىنداعى قر مەملەكەتتٸك ٶنەر مۋزەيٸنٸڭ باسپاسٶز قىزمەتٸنەن
ي.ستادنيچۋك شىعارماشىلىعىنىڭ ماڭىزدى بٶلٸمٸ اكۆارەل جۇمىستارى بولىپ تابىلادى. سۋرەتشٸ نەزٸك بوياۋلاردى اۋىستىرا وتىرىپ, پەيزاجدارداعى تٷستەردٸ, ناتيۋرمورتتاعى زاتتاردىڭ ماتەريالدىلىعىن, سونىمەن قاتار شەبەردٸڭ سەلدەگٷلٸنٸڭ سەندٸ گٷل شوعى بولسىن, قاراپايىم تٷيمەداق گٷلٸ بولسىن سٷيٸكتٸ گٷلدەرٸنٸڭ تابيعي بەينەسٸ مەن تەحنيكانىڭ بٸرەگەي مٷمكٸندٸكتەرٸن ايقىن كٶرسەتەدٸ.
فوتو: ە. قاستەەۆ اتىنداعى قر مەملەكەتتٸك ٶنەر مۋزەيٸنٸڭ باسپاسٶز قىزمەتٸنەن
يۆان ياكوۆلەۆيچ ستادنيچۋك 1913-جىلى ۋكراينانىڭ بەردىچەۆ قالاسىنىڭ ماڭىنداعى حالايمگورودوك اۋىلىندا دٷنيەگە كەلگەن. ۇوس ارداگەرٸ. قىزىل جۇلدىز وردەنٸمەن جەنە كسرو مەدالدارىمەن ماراپاتتالعان. سۋرەتشٸ ٶزبەكستاندا, بۇحاردا, سامارقاندا جەنە تاشكەنتتە تۇردى. تانىمال مٷسٸنشٸ يا.كۋچيسپەن كەزدەسۋٸ ونىڭ سۋرەتشٸ بولۋعا دەگەن ۇمتىلىسىنا ەسەر ەتتٸ. 1940 - جىلى تاشكەنت كٶركەمٶنەر ۋچيليششەسٸن بٸتٸرگەننەن كەيٸن, ي.رەپين اتىنداعى لەنينگراد كەسكٸندەمە, مٷسٸن جەنە سەۋلەت ينستيتۋتىنا تٷستٸ. اتاقتى گرافيك-يلليۋستراتور, ركفسر ەڭبەك سٸڭٸرگەن سۋرەتشٸسٸ م.ز.رۋداكوۆتان دەرٸس العان.
فوتو: ە. قاستەەۆ اتىنداعى قر مەملەكەتتٸك ٶنەر مۋزەيٸنٸڭ باسپاسٶز قىزمەتٸنەن
1952-جىلى سۋرەتشٸ الماتىعا كەلٸپ, ن.گوگول اتىنداعى الماتى كٶركەمسۋرەت ۋچيليششەسٸندە, اباي اتىنداعى قازپي-دا ۇستازدىق قىزمەت اتقارا جٷرٸپ, ٸزباسارلارىن تەربيەلەدٸ. قازاقستان سۋرەتشٸلەر وداعىنىڭ شىعارماشىلىق جەنە قوعامدىق ٶمٸرٸنە بەلسەنە قاتىستى. سۋرەتشٸنٸڭ ٶمٸرٸندە ەرەكشە ورىن العان «پياتنيتسا» ەۋەسقوي سۋرەتشٸلەر ستۋديياسىن قۇرىپ, وندا 30 جىلدان استام ۋاقىت جەتەكشٸلٸك ەتكەن. ول قازاقستاندا بەينەلەۋ ٶنەرٸنٸڭ قالىپتاسۋى مەن دامۋىنا ەلەۋلٸ ٷلەس قوستى. سۋرەتشٸنٸڭ جۇمىستارى ەبٸلحان قاستەەۆ اتىنداعى قازاقستان رەسپۋبليكاسى مەملەكەتتٸك ٶنەر مۋزەيٸنٸڭ قورى مەن بٷكٸل ەلەم بويىنشا مۋزەيلەر مەن جەكە جيناقتاردا ساقتاۋلى.
ەكسپوزيتسييا مامىر ايىنىڭ 4-نە دەيٸن جالعاسادى.
