سوت جٷيەسٸندە ەڭبەك سوتىن قۇرۋ ۇسىنىلادى. بۇل تۋرالى قر كەسٸپوداقتار فەدەراتسيياسىنىڭ تٶراعاسى ساتىبالدى دەۋلەتالين مەلٸم ەتتٸ, دەپ حابارلايدى قازاقپارات.
«كەسٸپوداقتار فەدەراتسيياسى جۇمىسكەرلەردٸڭ قۇقىعىن قورعايتىن بٸردەن بٸر ۇيىم. قازٸر بٸزدٸڭ قاتارىمىزدا ەكٸ ميلليونعا جۋىق ادام بار. سوندىقتان بۇل مەسەلە بٸز ٷشٸن ٶتە ماڭىزدى, ياعني ەڭ نەگٸزگٸ باعىتتارىمىزدىڭ بٸرٸ. ازاماتتاردىڭ قۇقىعىن قورعاۋعا توقتالساق, بٸزدەرگە كەلٸپ جاتقان حاتتامالار مەن ٶتٸنٸشتەر قامتىلىپ وتىر. 2020 جىلدىڭ اياسىندا 14 مىڭنان استام وسىنداي ٶتٸنٸش كەلٸپ تٷستٸ. بۇل تۇرعىدا نەگٸزگٸ مەسەلەلەر ەڭبەك قۇقىعىن قورعاۋ, ياعني جالاقىنىڭ ۋاقىتىلى تٶلەنبەۋٸ, جۇمىستان زاڭسىز بوساتۋ پروبلەمالارىن قاراستىردىق», - دەدٸ س. دەۋلەتالين قر پرەزيدەنتٸ جانىنداعى ادام قۇقىقتارى جٶنٸندەگٸ كوميسسييا وتىرىسىنىڭ الدىندا تٸلشٸلەردٸڭ ساۋالىنا جاۋاپ بەرە وتىرىپ.
ونىڭ ايتۋىنشا, اتالعان 14 مىڭنان استام ٶتٸنٸش بويىنشا 85 پايىزى وڭ شەشٸمٸن تاپتى.
«سونىمەن قاتار بٸزدە تاتۋلاسۋ ورتالىعى بار. سوتقا جەتكٸزبەي مەدياتسييا ارقىلى وسى مەسەلەلەر شەشٸلٸپ كەلەدٸ. 2018 جىلى مەداتسييا ورتالىقتارىن بٷكٸل ٶڭٸردە قۇرعان ەدٸك», - دەدٸ كەسٸپوداقتار فەدەراتسيياسىنىڭ تٶراعاسى.
بۇدان بٶلەك ول بٷگٸنگٸ وتىرىستاعى ۇسىنىستارعا توقتالدى.
«بٸرٸنشٸدەن, ەڭبەك قۇقىقتارىنا بايلانىستى جٷيەدە ەڭبەك سوتىن قۇرۋ ۇسىنىلماق. شەتەلدە بۇل قولدانىس تاپقان تەجٸريبە. ەڭبەك داۋلارىنا توقتالساق, ولاردىڭ بارلىعىنا ەڭبەك قۇقىعىنا بايلانىستى. سوندىقتان جەكەلەگەن تٷردە ەڭبەك سوتىن قۇرىپ, سول مەسەلەلەردٸ جٷيەلٸ تٷردە قاراستىرۋدى ۇسىنامىز», - دەدٸ ساتىبالدى دەۋلەتالين.
