مەكتەپ ديرەكتورلارى وقۋ جىلى باستالار الدىندا پەداگوگيكالىق كەڭەستەر ٶتكٸزٸپ جاتىر, دەپ حابارلايدى قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸ.
باسپاسٶز قىزمەتٸنٸڭ مەلٸمەتتەرٸنە قاراعاندا, قازٸرگٸ تاڭدا ەر بٸلٸم بەرۋ ۇيىمىنىڭ باسشىسى ۇجىمىنا مەكتەپتە وقۋ جىلى قالاي باستالاتىنىن, شتاتتىق رەجيمدە وقيتىندار ٷشٸن قانداي سانيتارلىق قاۋٸپسٸزدٸك شارالارى قابىلدانعانىن, بالالاردى قاشىقتان وقىتۋ ٷشٸن مەكتەپ قانداي پلاتفورمانى تاڭداعانىن, باعالاۋ جٷيەسٸنە قانداي ٶزگەرٸستەر ەنگٸزٸلگەنٸن جەنە وقۋ پروتسەسٸن ۇيىمداستىرۋعا قاتىستى ٶزگە دە ساۋالدار بويىنشا تٷسٸندٸرۋ جۇمىستارىن جٷرگٸزٸپ جاتىر.
قالىپتاسقان ەپيدەميولوگييالىق جاعدايلارعا بايلانىستى 2020-2021 وقۋ جىلى قاشىقتان بٸلٸم بەرۋ فورماتىندا باستالادى. اتا-انالاردىڭ قالاۋى بويىنشا مەكتەپتەردە 1-4 سىنىپ وقۋشىلارى ٷشٸن كەزەكشٸ سىنىپتار جۇمىس ٸستەيدٸ. بٸر سىنىپتا بٸلٸم الۋشىلار سانى 15-تەن اسپايدى. پەدكەڭەس بارىسىندا پەداگوگتەرگە وقىتۋ ەرەجەلەرٸ مەن كەزەكشٸ سىنىپتاردا سانيتارلىق قاۋٸپسٸزدٸكتٸ قامتاماسىز ەتۋ شارالارى ەگجەي-تەگجەيلٸ تٷسٸندٸرٸلەدٸ. وقۋشىلار مەن پەداگوگتەردٸڭ تەمپەراتۋراسى كٷندە ٶلشەنٸپ, دەنە قىزۋى نورمادان جوعارى بولعان جاعدايدا جەنە اۋرۋ بەلگٸلەرٸ انىقتالسا, پەداگوگتەر جۇمىسقا كٸرٸسپەيدٸ, ال وقۋشىلار ٷيلەرٸنە قايتارىلادى.
«ەگەر اتا-انالار نەمەسە بالالاردىڭ زاڭدى ٶكٸلدەرٸ نيەت بٸلدٸرٸپ, ٶتٸنٸش جازسا, ال مەكتەپ سانيتارلىق نورمالاردى قاتاڭ ساقتاۋعا دايىن بولسا, باستاۋىش سىنىپ وقۋشىلارى مەكتەپ قابىرعاسىندا وقي الادى. مەكتەپتەردە جوعارى سىنىپ وقۋشىلارىنىڭ كابينەتتەرٸ بوس بولعاندىقتان, بۇل كابينەتتەردٸ دە باستاۋىش سىنىپتاردى وقىتۋدى ۇيىمداستىرۋ ٷشٸن پايدالانۋعا بولادى. اتا-انالاردىڭ ٶتٸنٸشتەرٸن سىنىپ جەتەكشٸلەرٸ قولجەتٸمدٸ بايلانىس قۇرالدارى ارقىلى ونلاين-فورماتتا قابىلدايدى», – دەپ اتاپ ٶتتٸ بعم باسپاسٶز قىزمەتٸ.
مەكتەپتەردەگٸ كومپيۋتەرلەر بالالارعا ۋاقىتشا پايدالانۋعا بەرٸلەدٸ. سونىمەن قاتار بٸلٸم باسقارمالارى, بٶلٸمدەرٸ قوسىمشا كومپيۋتەرلەر, نوۋتبۋكتەر, پلانشەتتەر ساتىپ الىپ, قابىلداۋ-تاپسىرۋ اكتٸلەرٸ نەگٸزٸندە وقۋشىلارعا تاپسىرادى.
ەربٸر ٶڭٸر, بٸلٸم بەرۋ ۇيىمى قاشىقتان وقىتۋدى ۇيىمداستىراتىن ينتەرنەت-پلاتفورمانى ٶزٸ تاڭدايدى. قاشىقتان وقىتۋ فورماتى اياسىندا مۇعالٸمدەر مەن وقۋشىلار پلاتفورما ارقىلى ستريمينگ جٷيەسٸن قولداناتىن بولادى.
سونداي-اق پەداگوگيكالىق كەڭەستە مۇعالٸمدەرگە ساباقتى ۇيىمداستىرۋ بويىنشا ۇسىنىستار تالقىلانىپ جاتىر. شالعايداعى اۋىلدىق ەلدٸ مەكەندەردە ورنالاسقان شاعىن جيناقتى مەكتەپتەردە كٷندٸزگٸ فورماتتا وقىتۋدى ۇيىمداستىرۋ مەسەلەسٸ دە نازاردان تىس قالمايدى.
«كٷن تەرتٸبٸندەگٸ تاعى بٸر ماڭىزدى تاقىرىپ – كارانتيندٸك جەنە شەكتەۋ شارالارى جاعدايىندا 2-11(12) سىنىپتارداعى وقۋشىلاردىڭ وقۋ جەتٸستٸكتەرٸن باعالاۋ. پەداگوگيكالىق كەڭەستەردە بٸلٸم الۋشىلاردىڭ وقۋ جەتٸستٸكتەرٸن باعالاۋ جٷيەسٸندەگٸ ۋاقىتشا ٶزگەرٸستەر تالقىلانىپ جاتىر», - دەلٸنگەن قر بٸلٸم جەنە عىلىم مينيسترلٸگٸنٸڭ باسپاسٶز مەلٸمەتٸندە.
