ەلٸمٸزدٸڭ بٸلٸم جەنە عىلىم مينيسترلٸگٸ ارىس قالاسىندا جوعالعان مىڭعا تارتا بالانىڭ اتا-اناسىنا تاپسىرىلعانىن رەسمي تٷردە حابارلادى.
مينيسترلٸكتٸڭ facebook ەلەۋمەتتٸك جەلٸسٸندە تاعى 14 بالانىڭ اتا-اناسى ٸزدەستٸرٸلٸپ جاتقانى مەلٸم بولعان, دەپ حابارلايدى "ۇلت اقپارات".
مينيسترلٸكتٸڭ مەلٸمەتٸنشە, بٸلٸم بەرۋ باسقارماسى جەنە قوعامدىق ۇيىم ٶكٸلدەرٸنٸڭ ٸشٸنەن موبيلدٸ توپتار 945 بالانى تاۋىپ, اتا-انالارىنا تاپسىرعان. بۇل - 24 ماۋسىم كٷنٸ تٷنگٸ ساعات 23:00-گە دەيٸنگٸ جاعداي بويىنشا بەرٸلگەن اقپارات. سونداي-اق, ەۆاكۋاتسييالانعان بالالار ٷشٸن پسيحولوگييالىق قولداۋدى, مەديتسينالىق سٷيەمەلدەۋدٸ, بوس ۋاقىتتى ٶتكٸزۋ شارالارىن ۇيىمداستىرۋدى كٶزدەيتٸن ٸس-شارالار كەستەسٸ ەزٸرلەنگەنٸ بەلگٸلٸ بولدى. مينيسترلٸك ٶكٸلدەرٸ شىمكەنت قالاسى مەن تٷركٸستان وبلىسىنىڭ جەرگٸلٸكتٸ اتقارۋشى ورگاندارىمەن بٸرلەسٸپ, ارىس قالاسىنداعى وقيعالاردى مۇقييات قاداعالاۋدا. بالالاردى قالادان كٶشٸرۋگە جەنە ولاردى جايلاستىرۋعا بەلسەندٸ تٷردە اتسالىسىپ جاتىر.
«شىمكەنت قالاسىنا قر بعم بالالاردىڭ قۇقىقتارىن قورعاۋ كوميتەتٸنٸڭ تٶراعاسى ەرجان ەرسايىنوۆ پەن قر بٸلٸم جەنە عىلىم مينيسترٸنٸڭ بالالاردىڭ قۇقىقتارى مەسەلەلەرٸ جٶنٸندەگٸ كەڭەسشٸسٸ رايسا شەر جٸبەرٸلدٸ. وقيعا ورنىندا جەدەل توپتار جۇمىس ٸستەپ جاتىر. قازٸرگٸ ۋاقىتتا قر بعم ٶكٸلدەرٸ جەرگٸلٸكتٸ اتقارۋشى ورگاندارمەن بٸرٸگٸپ, ەۆاكۋاتسييالانعان بالالار تۇراتىن ورىندى, ولاردىڭ تاماقتانۋىن ۇيىمداستىرۋ جەنە قاۋٸپسٸزدٸگٸن قامتاماسىز ەتۋ مەسەلەلەرٸمەن اينالىسادى. سونداي-اق, بۇل جۇمىسقا قر بعم اۋماقتىق ورگاندارى (تٷركٸستان وبلىسى جەنە شىمكەنت قالاسى بٸلٸم جەنە عىلىم سالاسىن باقىلاۋ دەپارتامەنتتەرٸ) قوسىلدى.
بالالار ورنالاسقان بارلىق ۇيىمدار قر بعم بٸلٸم جەنە عىلىم سالاسىن باقىلاۋ كوميتەتٸنٸڭ باقىلاۋىندا. بالالار مەن اتا-انالاردى ٸزدەستٸرۋ ٷشٸن قر بعم بٸلٸم جەنە عىلىم سالاسىن باقىلاۋ دەپارتامەنتٸ, بٸلٸم باسقارماسى جەنە قوعامدىق ۇيىم ٶكٸلدەرٸنەن تۇراتىن موبيلدٸك توپتار قۇرىلدى» دەلٸنگەن حابارلامادا.
بەلگٸلٸ بولعانداي, بالالار وبلىس جەنە شىمكەنت قالاسىنىڭ بٸلٸم بەرۋ مەكەمەلەرٸنە ورنالاستىرىلعان. بٸلٸم باسقارماسىنىڭ قىزمەتكەرلەرٸ ٷنەمٸ بايلانىستا جەنە ساعات سايىن قالىپتاسقان جاعداي تۋرالى بايانداپ وتىرادى.
كٶشٸرۋ مەسەلەلەرٸن ٷيلەستٸرۋ ٷشٸن جەدەل جەلٸ تەلەفوندارى قۇرىلعان: 8-725-33-71-082; 8-725-33-71-313; 8-725-33-71-212; 87014483217 (WhatsApp).
جەرگٸلٸكتٸ اتقارۋشى ورگانداردىڭ دەرەكتەرٸ بويىنشا, بالالار مەن ولاردىڭ اتا-انالارىن كٶشٸرۋ شىمكەنت قالاسىندا, تٷلكٸباس, ورداباسى, قازىعۇرت, سارىاعاش اۋداندارىندا جٷزەگە اسىرىلادى.
«ۇببب دەرەكتەرٸ بويىنشا ارىس قالاسىندا قۇرامىندا 24 201 بالا بار 97 بٸلٸم بەرۋ ۇيىمى (47 مەكتەپكە دەيٸنگٸ ۇيىم (4 732 بالا); 40 مەكتەپ (18 403 وقۋشى); 1 وتباسى ٷلگٸسٸندەگٸ بالالار اۋىلى (66 بالا); 2 كوللەدج (835 وقۋشى); 6 قوسىمشا بٸلٸم بەرۋ ۇيىمى, 1 «كٶكساراي» قالا سىرتىنداعى ساۋىقتىرۋ لاگەرٸ (165 بالا (ارىس قالاسىنان وڭتٷستٸككە قاراي 77 كم) جۇمىس ٸستەيدٸ.
جاو اقپاراتى بويىنشا قازٸرگٸ ۋاقىتتا شىمكەنت, تٷركٸستان قالالارىندا, ورداباسى, قازىعۇرت, سارىاعاش جەنە شاردارا اۋداندارىندا 47 حالىقتى ورنالاستىرۋ ورتالىعى جۇمىس ٸستەيدٸ. بارلىعى 47 ورتالىقتا 4 مىڭنان استام ادام بار, ونىڭ ٸشٸندە 886 بالا.
جەدەل ەرەكەت ەتۋ ماقساتىندا «BALA QORGAU», «ارىستا جوعالعان بالالار» تەلەگرامم-چاتتارى جۇمىس ٸستەيدٸ» دەلٸنگەن حابارلامادا.
ايتا كەتەيٸك, اتالعان مينيسترلٸك قىزمەتكەرلەرٸ ارىس قالاسىنىڭ بالالارىنا كٶمەك كٶرسەتۋگە بٸر كٷندٸك جالاقىسىن اۋدارماق.
