- قازاقستان رەسپۋبليكاسىنىڭ باس پروكۋراتۋراسى 2015 جىلدىڭ اقپانىندا اۆسترييادا قازا تاپقان بيزنەسمەن, قازاقستاننىڭ ارنايى قىزمەتٸنٸڭ بۇرىنعى باسشىسى راحات ەليەۆتٸڭ ٶلٸمٸ تۋرالى كۋەلٸكتٸ الدى. بۇل قۇجات راحات ەليەۆتٸڭ ٶلٸمٸنە بايلانىستى, وعان قاتىستى قوزعالعان قىلمىستىق ٸستٸ توقتاتۋ ٷشٸن تەرگەۋ ورگاندارىنا جٶنەلتٸلدٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
اگەنتتٸك تٸلشٸسٸنٸڭ رەسمي ساۋالىنا جاۋاپ بەرگەن باس پروكۋراتۋرانىڭ مەلٸمەتٸنە سٷيەنسەك, قۇزىرلى ورگان راحات ەليەۆتٸڭ ٶلٸمٸ جارييالانعان 2015 جىلدىڭ 25 اقپانىنان بەرٸ قىلمىستىق ٸستٸ توقتاتۋعا قاجەتتٸ تيٸستٸ قۇجاتتاردى سۇراتقان. اۆسترييانىڭ تيٸستٸ ورگاندارىنا حالىقارالىق تەرگەۋ بۇيرىعى جٶنەلتٸلٸپ, بيزنەسمەننٸڭ ٶلٸمٸ تۋرالى كۋەلٸك, سوت-مەديتسينالىق ساراپتامالاردىڭ قورىتىندىسى, حاتتامالار جەنە ٶلٸكتٸ انىقتايتىن قۇجاتتار سۇراتىلعان.
«باس پروكۋراتۋرا وسى ساۋالدارىنا جاۋاپ رەتٸندە 2015 جىلدىڭ 20 سەۋٸرٸندە تەك قانا راحات ەليەۆتٸڭ ٶلٸمٸ تۋرالى كۋەلٸكتٸڭ كٶشٸرمەسٸن الا الدى. 2016 جىلدىڭ 13 اقپانىندا باس پروكۋراتۋرا اۆستريياعا تاعى دا ساۋال جولدادى. اۆسترييا بيلٸگٸ ەكٸنشٸ مەرتە جٶنەلتٸلگەن سۇراۋعا 2016 جىلدىڭ 30 ماۋسىمىندا جاۋاپ بەرە وتىرىپ, كۋەلٸكتەن باسقا قۇجات بەرە المايتىندارىن ايتتى. سەبەبٸ, راحات ەليەۆتٸڭ جەسٸرٸ ە.شورازوۆا 2015 جىلدىڭ 18 ماۋسىمىندا ۆەنانىڭ جەر سوتىنا راحات ەليەۆتٸڭ ٶلٸمٸنە قاتىستى قۇجاتتاردى قازاقستان تاراپىنا بەرمەۋ تۋرالى پروتەست جٸبەرٸپ قويعان», - دەپ حابارلادى ساۋالىمىزعا جاۋاپ بەرگەن باس پروكۋراتۋرا.
الايدا, ۆەنا سوتى ەلنارا شورازوۆانىڭ ٶتٸنٸشٸن قابىلدامادى. 2016 جىلدىڭ 21 قاراشاسىندا قازاقستاننىڭ باس پروكۋراتۋراسى ديپلوماتييالىق كانالداردىڭ كٶمەگٸمەن راحات ەليەۆتٸڭ ٶلٸمٸ تۋرالى اپوستيلدٸ كۋەلٸكتٸڭ, 2015 جىلدىڭ 9 ناۋرىزىندا شۆەيتسارييانىڭ سانكت-گاللەن قالاسىنداعى سوت مەديتسينا ينستيتۋتى جٷرگٸزگەن سوت-مەديتسينالىق ساراپتامالاردىڭ كٶشٸرمەسٸن العان.
«وسى قۇجاتتار راحات ەليەۆتٸڭ ٶلٸمٸنە بايلانىستى, وعان قاتىستى قوزعالعان قىلمىستىق ٸستٸ توقتاتۋ ٷشٸن تەرگەۋ ورگاندارىنا جٶنەلتٸلدٸ»,- دەپ حابارلادى باس پروكۋراتۋرا.
