قپل: «توبىل» جەتٸنشٸ جەڭٸسٸنە قول جەتكٸزدٸ

فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون ەكٸنشٸ تۋرى مەرەسٸنە جەتتٸ, دەپ حابارلايدى "ۇلت اقپارات".

سوڭعى ەكٸ كەزدەسۋدٸڭ بٸرٸندە قوستانايدا «توبىل» پەتروپاۆلدىڭ «قىزىلجارىن» قابىلدادى. الاڭ يەلەرٸ قارسىلاستار قاقپاسىنا جيٸ شابۋىلدادى. وسىنداي سەتتەردٸڭ بٸرٸندە قوستانايلىق نەمانيا نيكوليچ 63-مينۋتتا مەرگەندٸك تانىتسا, 77-مينۋتتا سەرٸكجان مۋجيكوۆ پەنالتيدەن مٷلت كەتكەن جوق. وسىلايشا «توبىل» قارسىلاسىنان 2:0 ەسەبٸمەن باسىم تٷستٸ. 

ال «اتىراۋ» ٶز الاڭىندا شىمكەنتتٸڭ «ورداباسى» كلۋبىن قابىلدادى. اتالعان كەزدەسۋدە كوماندالار بٸر-بٸرٸنٸڭ قاقپاسىنان ساڭىلاۋ تابا العان جوق. نەتيجەسٸندە كوماندالار 0:0 ەسەبٸنە قاناعات بٸلدٸردٸ.

بٷگٸن, 19 مامىردا اقتاۋدىڭ «كاسپيي» كومانداسى ٶز الاڭىندا قاراعاندىنىڭ «شاحتەرٸن» 3:0 ەسەبٸمەن  سٷرٸندٸرسە, «تاراز» ٶز الاڭىندا كٶش سوڭىندا كەلە جاتقان تالدىقورعاننىڭ «جەتٸسۋىنا» 2:3 ەسەبٸمەن جول بەردٸ. 

ال كەشە, 18 مامىردا ورالدىڭ «اقجايىعى» تٷركٸستاندا «تۇراندى» 2:0, ەلوردالىق «استانا» قىزىلوردادا «قايساردى» 5:2 ەسەبٸمەن جەڭدٸ. ال الماتىدا «قايرات» «اقتٶبەنٸ» 4:2 ەسەبٸمەن تٸزە بٷكتٸردٸ.

اتالعان تۋردان كەيٸن 32 ۇپايمەن «استانا» كٶش باستاپ تۇر. ودان كەيٸنگٸ ورىندارداعى «توبىلدىڭ» 25, «اقجايىقتىڭ» 21 ۇپايى بار. 

ەندٸ الداعى ون ٷشٸنشٸ تۋر ويىندارى 23 جەنە 24 مامىر كٷندەرٸ ٶتكٸزٸلەدٸ.